medium

large

thumbnail

1536x1536

2048x2048

small

custom-size

Fyrst og fremst að þjónusta Borgfirðinga

Andlát – Hjörtur Þórarinsson fv skólastjóri

Mikið vatn og laxveiðin góð um vestanvert landið

Skemmtilegt utanvegahlaup í Dölunum á laugardaginn

Telja eldgos líklegt á næstu tveimur vikum

Fagurverk fær gatna- og stéttaviðhald

core/paragraph

Snæfell og Haukar mættust í tíundu umferð Subway deildar kvenna í körfuknattleik í gærkvöldi og var viðureignin í Hólminum. Fyrir leik var Snæfell á botni deildarinnar enn án stiga á meðan Haukar voru í sjöunda sæti með átta stig. Liðin skiptust á að ná forystu í fyrsta leikhluta og munurinn var mest fimm stig í stöðunni 18:13 þegar akkúrat ein mínúta var eftir. Gestirnir úr Hafnarfirði áttu síðasta orðið og síðustu fjögur stigin og staðan 18:17 Snæfelli í vil. Það er óhætt að segja að heimakonur í Snæfelli hafi verið á eldi í öðrum leikhluta. Þegar rúmar þrjár mínútur voru liðnar í stöðunni 25:22 skoruðu þær átta stig í röð og komu sér ellefu stigum yfir, staðan 33:22. Snæfell herti tökin enn meir fram að hálfleik og var komið með sextán stiga forskot áður en Sólrún Gísladóttir setti þrist niður fyrir gestina á síðustu mínútunni. Hálfleikstölur 45:32 fyrir Snæfelli og alveg útlit fyrir fyrsta sigurinn í deildinni.

En eins og flestir vita þá er körfubolti ótrúleg íþrótt og það sýndi sig í þriðja leikhluta þó ekkert virtist benda til þess framan af. Snæfell náði mest 18 stiga forystu og um miðjan leikhlutann var staðan 56:45 fyrir Snæfelli. Þegar rúmar tvær mínútur voru eftir og staðan 60:49 fóru Haukar á flug og settu niður tíu stig í röð án svars frá heimakonum. Staðan því 60:59 fyrir Snæfelli fyrir síðasta fjórðung og áhorfendur gátu átt von á ýmsu í honum. Haukakonur voru með sex stiga forystu, 62:68, um miðja vegu fjórða leikhluta en Snæfell neitaði að gefast upp og svaraði með fjórum stigum í röð. Þegar ein og hálf mínúta var eftir af leiknum minnkaði Jasmina Jones muninn í fjögur stig með þriggja stiga körfu og staðan 71:75 fyrir Haukum. En Haukar voru sterkari á lokasprettinum, stóðust álagið og unnu að lokum sex stiga sigur, lokatölur 72:78 Haukum í hag.

Shawnta Shaw var atkvæðamest hjá Snæfelli með 25 stig og 10 fráköst, Eva Rupnik var með 20 stig og þær Jasmina Jones og Mammusu Secka voru með 12 stig hvor og Jasmina var einnig með 16 fráköst. Hjá Haukum var Tinna Alexandersdóttir með 20 stig, Sólrún Gísladóttir með 19 stig og Þóra Kristín Jónsdóttir var með 14 stig og 13 stoðsendingar.

Næsti leikur Snæfells er á móti Grindavík næsta sunnudag. Vegna jarðhræringa syðra verður hann leikinn í Smáranum í Kópavogi og hefst klukkan 16.30.

Fréttaveita Vesturlands

Snæfell nálægt sínum fyrsta sigri