medium

thumbnail

small

custom-size

Bjarki Pétursson ráðinn framkvæmdastjóri Golfklúbbs Borgarness

Vestlendingar sigursælir á uppskeruhátíð LH

Minningarstund Englaforeldra í Akraneskirkju á þriðjudagskvöldið

Fjallað um hinsegin lífsgæði í framhaldsskólum

large

1536x1536

Fyrsta verkáfanga lokið á Sæunnargötu

2048x2048

Hundrað ára afmæli VLFA fagnað – Myndasyrpa

core/paragraph

Föstudagskvöldið 24. nóvember síðastliðið var þétt setið í Samkomuhúsi Grundarfjarðar. Þá var búið að bjóða öllum konum á Snæfellsnesi í bingó. Það var Valgerður Helga Ísleifsdóttir sem stóð fyrir viðburðinum og rann allur ágóði til Krabbameinsfélags Snæfellsness.

„Hugmyndin kom eitt októberkvöld þegar ég var að spila bingó með fjölskyldunni minni,“ segir Valgerður í stuttu spjalli við Skessuhorn. „Það var svo góð stemning og mikið fjör að mig langaði að að halda alvöru bingó,“ bætir hún við. Valgerður ræddi þetta við sína nánustu og ákvað svo að láta verða af þessu. „Ég byrjaði á að fá vilyrði um salinn hjá Kaffi 59 og stofnaði svo viðburð á fésbókinni. Viðtökurnar voru framar vonum þannig að ákvörðun var tekin að færa bingóið í Samkomuhúsið. Allur ágóðinn átti að renna til Krabbameinsfélags Snæfellsness og það gekk rosalega vel að safna vinningum,“ segir hún.

Valgerður segir að allir sem leitað var til hafi viljað styðja við framtakið. Boðið var upp á sætaferðir úr Snæfellsbæ og Stykkishólmi og kom stór hópur frá báðum stöðum. „Ég varð klökk þegar ég sá allar konurnar streyma inn í húsið áður en bingóið byrjaði því ég bjóst ekki við svona mörgum. Þetta var ótrúlegt,“ segir Valgerður.

Alls söfnuðust 577.000 krónur á bingóinu og svo voru nokkur fyrirtæki sem bættu við styrkjum þannig að alls söfnuðust 727.000 krónur og rennur upphæðin öll til Krabbameinsfélags Snæfellsness. „Þetta var magnað og ég vil þakka öllum sem hjálpuðu mér við að gera þetta að veruleika og öllum þeim sem styrktu viðburðinn. Við munum klárlega halda svona aftur að ári,“ segir Valgerður að lokum.

Fréttaveita Vesturlands

„Komdu í bingó vinan“ gekk framar vonum