medium

large

thumbnail

1536x1536

2048x2048

small

custom-size

Vítaverður framúrakstur

Allt frá saumnálum til hjólastóla til í Dísubúð

Tveir árekstrar í vikunni

Styrktar- og minningarsjóður Þorkels og Kristínar leystur upp

Skessuhorn komið í tveggja vikna fríi

Ragnar aftur í starf byggingafulltrúa

core/paragraph

Íbúasamtökin á Hvanneyri standa á laugardaginn fyrir árlegri jólagleði í þorpinu á fyrsta helgi í aðventu. Það skal áréttað hér að í frétt sem birt er í Skessuhorni, sem kom út í dag, er missagt að jólagleðin sé á sunnudaginn, en hún verður semsé laugardaginn 2. desember kl. 13-17. Auglýsingu um viðburðinn er jafnframt að finna í blaðinu. Að sögn Álfheiðar Sverrisdóttur, formanns Íbúasamtaka Hvanneyrar og nágrennis, verður gamla Hvanneyrartorfan í hátíðarbúningi og ýmislegt um að vera fyrir alla aldurshópa.

„Við stefnum á að færa gestum okkar jólagleði í hjartað á laugardaginn og notalegheit í allri jólaösinni. Í hlöðu Halldórsfjóss verður markaður með íslenskt matar- og handverk, vörur beint frá býli og veitingasala verður bæði á Hvanneyri Pub og H veitingum. Jólasveinn kíkir í heimsókn  eins og á öllum alvöru hátíðum og það verður lesin jólasaga fyrir börnin. Jólatré verða til sölu beint frá býli og aldrei að vita nema við fáum fallega jólatóna í lifandi flutningi. Þá mun kammerkórinn Kvika taka lagið. Kvenfélagið 19. júní verður svo með stórglæsilegan kökubasar sem gæti eflaust létt undir með einhverjum í jólabakstrinum þetta árið,“ segir Álfheiður.

Þessu til viðbótar mun sr. Hildur Björk flytja stutta jólahugvekju í Hvanneyrarkirkju og þá verður Gunnhildur Lind ljósmyndari á svæðinu en hún mun bjóða upp á fjölskyldumyndatöku. Hægt verður að kaupa af henni stakar myndir eftir jólagleðina á hóflegu verði.

Jólagleðin hefst kl. 13:00 á laugardaginn og hvetja skipuleggjendur lesendur til að kíkja við og njóta samverunnar á þessari fyrstu helgi í aðventu. Við lok dagskrár verða ljósin tendruð á jólatrénu.

Fréttaveita Vesturlands

Jólagleði á Hvanneyri á LAUGARDAGINN