medium

large

thumbnail

1536x1536

small

custom-size

Skógarstrandarvegur ekinn í sumarblíðunni

Klassart með tónleika í Hallgrímskirkju á sunnudaginn

Skátafélagið Örninn fór á landsmót

2048x2048

Vítaverður framúrakstur

Allt frá saumnálum til hjólastóla til í Dísubúð

Tveir árekstrar í vikunni

core/paragraph

Á fundi skipulags- og umhverfisnefndar Skorradalshrepps í gær var lögð fram ítarleg greinargerð Landgræðslunnar þar sem farið er yfir umfang og leiðir til úrbóta vegna óleyfisframkvæmda Skógræktarinnar sumarið 2022 í landi tveggja jarða í Skorradal. Annars vegar Stóru Drageyrar og hins vegar Bakkakots. Svæðin sem um ræðir eru þrjú: Vegslóði var ruddur norðvestan til í Dragafelli, land plægt til skógræktar á votlendissvæði milli þjóðvegar og Villingadalsár á Geldingadraga og land sem plægt var upp á Bakkakotsheiði. Einnig var minnisblað lögmanns sveitarfélagsins lagt fram vegna málsins.

Í fundargerð nefndarinnar er vísað til fyrirætlana skipulagsfulltrúa Skorradalshrepps að krefjast úrbóta á óleyfisframkvæmdum á vegum Skógræktarinnar á báðum jörðunum. „Fyrir liggur álit um mögulegar leiðir til að færa landið til fyrra horfs og/eða skapa aðstæður til þróunar í þá átt,“ segir í bókun nefndarinnar. Lagt er til að hreppsnefnd taki til umfjöllunar að ákveða dagsektir að fjárhæð 50.000 krónur sem falla muni á Skógræktina hafi úrbætur ekki farið fram fyrir 1. júlí 2024. Sú upphæð er ákveðin í báðum málunum og mun því Skógræktin verða krafin um alls 100 þúsund króna dagssektir alls ef ekki verður brugðist við. Jafnframt var oddvita falið að láta sveitarfélagið vinna umræddar úrbætur á kostnað Skógræktarinnar, eftir að liðnir eru 30 dagar frá 1. júlí 2024, sbr. 2. mgr. 54. gr. skipulagslaga nr. 123/2010. Loks segir í bókun nefndarinnar að Skógræktinni verði veittur andmælaréttur áður en ákvörðun verður tekin.

Í skýrslu Landgræðslunnar um téðar óleyfisframkvæmdir Skógræktarinnar er fjallað um mögulegar leiðir til að færa land sem raskað var í þágu skógræktar í Skorradal til fyrra horfs og/eða skapa aðstæður til þróunar í þá átt. „Um er að ræða þrjú svæði; plægð svæði á Geldingadraga og Bakkakotsheiði og slóði utan í Dragafelli. Í skýrslunni er bent á mismunandi leiðir eftir því hvers konar aðstæður eru fyrir hendi. Lagt er til að plógför í votlendi verði fyllt á ný, en að metið sé hvað sé raunhæft að gera þar sem plægt hefur verið á þurrlendi eftir ástandi landsins. Utan í Dragafelli er brýnt að koma í veg fyrir vatnsrof og jafna slóðastæði út þar sem ýttur hefur verið sneiðingur í fjallið. Flagið sem eftir verður þyrfti að græða upp. Á öðrum svæðum dugar sennilega að bera á tilbúinn áburð, hey eða moð. Fylgjast þarf vel með landinu eftir lagfæringar og grípa strax inn í ef ástæða er til.“

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/11/Dagssektir-lagdar-a-Skograektina-verdi-ekki-baett-ur-oleyfisframkvaemdum_2NOTA-1200x727.jpg" alt="" class="wp-image-72076"/><figcaption>Mynd 33 í skýrslunni. Plægt mosavaxið land í landi Bakkakots, en myndin er tekin undan halla.</figcaption></figure>

Dagssektir lagðar á Skógræktina verði ekki bætt úr óleyfisframkvæmdum