medium

large

thumbnail

1536x1536

2048x2048

small

custom-size

Á góðri stund í Grundarfirði um næstu helgi

Búast má við sprenginum við Borgarbrautina

Jafntefli hjá Reyni og Stokkseyri

Káramenn styrktu enn stöðu sína á toppi deildarinnar

Skallagrímur sótti ekki skig til Eyja

Hoppað í sjóinn veður í Hólminum

core/paragraph

Stórum áfanga var náð í verkefninu Römpum upp Ísland nú á dögunum þegar rampur númer 1000 var reistur við Hitt Húsið, miðstöð ungs fólks í Reykjavík. Markmið verkefnisins er að auka aðgengi hreyfihamlaðra að samfélaginu og stuðla þannig að auknu jafnrétti. Stefnt er að því að byggja 1.500 rampa fyrir 11. mars 2025, en upphaflega var ætlunin að reisa þúsund rampa fyrir árslok 2024.

Af þessu tilefni var haldinn sérstakur viðburður með þeim aðilum sem koma að verkefninu ásamt ungmennum úr frístundastarfi Hins Hússins. Ungmennin höfðu útbúið myndband fyrir gesti þar sem þau vöktu athygli á mikilvægi verkefnisins með tilliti til framtíðarinnar og hvernig þau sæju hana fyrir. Einnig var Vilhjálmur Hauksson, baráttumaður fyrir málefnum fatlaðra barna, með stutt ávarp. Guðni Th. Jóhannesson forseti Íslands, Katrín Jakobsdóttir forsætisráðherra, Sigurður Ingi Jóhannesson innviðaráðherra og Dagur B. Eggertsson borgarstjóri, lýstu yfir ánægju sinni með verkefnið og mikilvægi þess að bæta aðgengi fyrir fatlaða.

Innviðaráðherra sagði það hafa verið einstakt að sjá kraftinn sem hefur verið í uppbyggingunni í kringum Römpum upp Ísland. „Hér er um að ræða verkefni sem hefur veruleg áhrif á daglegt líf hreyfihamlaðra um allt land. Forysta Haraldar Þorleifssonar í verkefninu er aðdáunarverð. Það er ánægjulegt að Jöfnunarsjóður hafi getað stutt við verkefnið af myndarbrag,” sagði Sigurður Ingi.

Fram að þessu hafa flestir rampanna verið byggðir fyrir einkaaðila, en nú mun verkefnið einnig taka að sér að bæta aðgengi að byggingum opinberra aðila.

Fréttaveita Vesturlands

Þúsundasti rampurinn kominn