medium

large

thumbnail

1536x1536

2048x2048

small

custom-size

Ræddu fyrirkomulag rekstrar tjaldsvæða

Breytingar á sjúkratryggingu tóku gildi um áramótin

Guðmundur SH 235 kominn til heimahafnar

Alexandra Björg er íþróttamaður Grundarfjarðar 2024

Asahláka og hvassviðri í nótt

Kveiktu varðeld á skólalóðinni

core/paragraph

Guðlaugur Þór Þórðarson, umhverfis-, orku- og loftslagsráðherra, hefur skipað starfshóp sem er falið það hlutverk að vinna tillögur til ráðherra um framgang þeirra mála í Dalabyggð, sem heyra undir málefnasvið ráðuneytisins, með það að markmiði að efla samfélagið. Eiga tillögur starfshópsins m.a. að snúa að jarðhitaleit, aukinni orkuöflun og flutningskerfi raforku. Jafnframt verði hugað að stofnun þjóðgarðs á svæðinu, minjavernd, eflingu hringrásarhagkerfisins og grænni atvinnuuppbyggingu. Starfshópurinn á að skila tillögu til ráðherra fyrir 15. mars 2024.

„Á fundi sem ég átti nýlega með sveitastjórnarfólki í Dalabyggð óskaði það stuðnings ráðherra við að styrkja svæðið. Starfshópurinn sem nú hefur verið skipaður á að koma með tillögur um hvernig efla megi Dalabyggð til búsetu, sem áfangastaðar ferðamanna og hvernig stuðla megi að fjárfestingum á svæðinu til uppbyggingar á grænni atvinnustarfsemi samhliða grænni orkuöflun á svæðinu,“ segir Guðlaugur Þór.

Starfshópinn skipa Sigurður Rúnar Friðjónsson formaður, Halla Steinólfsdóttir bóndi og Björn Bjarki Þorsteinsson sveitarstjóri. Kjartan Ingvarsson, lögfræðingur í umhverfis-, orku- og loftslagsráðuneytinu, mun starfa með hópnum.

Starfshópur á að efla samfélagið í Dalabyggð