medium

large

thumbnail

1536x1536

small

custom-size

Skógarstrandarvegur ekinn í sumarblíðunni

Klassart með tónleika í Hallgrímskirkju á sunnudaginn

Skátafélagið Örninn fór á landsmót

2048x2048

Vítaverður framúrakstur

Allt frá saumnálum til hjólastóla til í Dísubúð

Tveir árekstrar í vikunni

core/paragraph

Konur í Félagi kvenna í atvinnulífinu, FKA, komu saman á gefandi stund á Hvanneyri sunnudaginn 19. nóvember síðastliðinn, sem þær nefndu Sælustund í sveitinni. Tilgangurinn var að hrista saman hóp FKA kvenna á Vesturlandi og kynna félagið fyrir nýjum konum. „Þórdís Kolbrún R Gylfadóttir fjármálaráðherra heiðraði okkur með nærveru sinni og gerði gott betur. Ræddi við okkur sem ,,Dísa á Skaganum“ í einlægni, mennsku og berskjöldun,“ segir Aldís Arna Tryggvadóttir formaður stjórnar í FKA á Vesturlandi.

„Þórdís Kolbrún hélt þrusugóða ræðu til að hvetja konur til þess að trúa þeirri staðreynd að þær eru hvorki verri né betri en annað fólk. Með það viðhorf að leiðarljósi sé því um að gera að treysta sér til stórra verka og láta gott af sér leiða enda séum við hvort eð er alltaf að vinna með fólki, sama hvaða titla viðkomandi bera. Hún fjallaði einnig um áskoranir þess að vera áberandi í samfélaginu og hversu mikið hún nýtur þess einnig að gera einfalda hluti eins og að fara í sund með börnunum og setja í þvottavél.“

Séra Hildur Björk Hörpudóttir sóknarprestur í Borgarfirði hélt á fundinum hugvekju og fjallaði um mikilvægi tengsla. Hún sagðist vera mikið innan um fólk sem ætti stutt eftir og að flestir sjái mest eftir að hafa ekki tengst sjálfu sér betur; látið draumana rætast, dansað meira, sungið, sýnt hugrekki og látið vaða. Fæstir sæju eftir því að hafa ekki unnið nóg. Einnig fjallaði hún um mikilvægi vináttunnar og hversu sterkt afl felst í samstöðu og þeim styrk sem vinkonur geta veitt hver annarri. Að vinkonur séu mikilvægar og skoraði á konurnar að fara enn meira á dýptina þegar rætt er við vinkonur.

Aldís Arna bauð konunum inn í ævintýraheim Hvanneyrar og fór með þær í sögugöngu um staðinn. Hún sagði þeim frá þeim mikilmennum er byggðu staðinn af metnaði og var á persónulegu nótunum er hún fjallaði um sögur forfeðra sinna sem bjuggu á Hvanneyri og hvaða áhrif það hafði haft á líf þeirra. Aðspurð sagði Aldís Arna þetta hafa verið ógleymanleg stund í kærleika og kæti. Samveran hafi spilað á allan tilfinningaskala kvenna sem sameinuðust í mennskunni og tengdust hver annarri á fallegan hátt. „Allar konur eru hjartanlega velkomnar í félagsskap FKA. Sumar konur halda að þær þurfi að eiga fyrirtæki til að mega vera með, en svo er ekki. Við hvetjum konur til að ganga í félagið og uppskera fullt af fræðslu og fjöri í einstöku félagi,“ segir Aldís Arna.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/11/Felagskonur-i-FKA-komu-saman-a-Hvanneyri_2-1200x845.jpg" alt="" class="wp-image-72023"/><figcaption>Fyrirlesarar voru þær Þórdís Kolbrún, Aldís Arna og Hildur Björk.</figcaption></figure>

Fréttaveita Vesturlands

Félagskonur í FKA komu saman á Hvanneyri