Kvikmyndasafn Íslands hefur á undanförnu bætt verulegu magni, mörgum klukkustundum, af nýju kvikmyndaefni á vefinn islandafilmu.is. Um er að ræða myndefni frá árinu 1936 og fram yfir 1970. Kvikmyndirnar voru teknar af kvikmyndagerðarmanninum Kjartani Ó. Bjarnasyni (f. 1901 – d. 1981).

Í myndefni Kjartans, sem finna má á islandafilmu.is, má finna fjölbreytt efni svo sem skemmtiför ríkisprentsmiðjunnar Gutenbergs 1936, þjóðaratkvæðagreiðslan 1944, sumarbúðir Rauða krossins við Silungapoll 1945, lífið í eyjum landsins, knattspyrnuleikur Íslands og Dynamo Kiev árið 1957 og margt fleira.

Kjartan Ó. Bjarnason var fyrsti Íslendingurinn til að gera kvikmyndagerð að aðalstarfi þegar hann hætti sem prentari árið 1945. Kjartan skyldi ekki eftir sig margar fullbúnar kvikmyndir með titlum. Hann fluttist til Danmerkur og aflaði sér tekna með því að ferðast um Danmörku, og víðar, þar sem hann sýndi kvikmyndir frá Íslandi og talaði yfir þær. Þá fór hann margar sýningarferðir um Ísland en þær nýtti hann einnig til að taka upp frekara efni til sýninga ytra.

Ef slegið er inn leitarorðið Kjartan Ó. Bjarnason á Íslandi á filmu kemur upp mikið af nýju efni.

Áhugavert efni:

Heklugosið 1947

https://www.islandpaafilm.dk/is/klip/heklugosid-arid-1947

Hluti af mynd sem Kjartan Ó. Bjarnason gerði fyrir Rangæingafélagið. Þetta stutta brot sýnir misvelbúið fólk ganga að gosinu áður en það prufar að nota hitann frá hrauninu til að kveikja m.a. í vindli

Eskifjörður

https://www.islandpaafilm.dk/is/klip/eskifjordur

Börn að leik á Eskifirði um 1950.

Ísland – Dynamo Kiev árið 1957

https://www.islandpaafilm.dk/is/klip/urvalslid-islendinga-gegn-dynamo-kiev-melavellinum

Knattspyrnuleikur íslenska landsliðsins (landsliðs Suð-Vesturlands í þessu tilviki) gegn sovéska liðinu Dynamo Kiev í ágúst árið 1957. Ísland sigraði 4:3 og á myndskeiðinu má sjá Skagamanninn Ríkharð Jónsson skora glæsilegt mark.

Börn að leik í snjó

https://www.islandpaafilm.dk/is/klip/born-ad-leik-i-snjo

Börn að leik í snjó við Arnarhól í kringum 1950.

Kvikmyndasafn Íslands – Nýtt efni á Ísland á filmu