medium

large

thumbnail

1536x1536

small

custom-size

Skógarstrandarvegur ekinn í sumarblíðunni

Klassart með tónleika í Hallgrímskirkju á sunnudaginn

Skátafélagið Örninn fór á landsmót

2048x2048

Vítaverður framúrakstur

Allt frá saumnálum til hjólastóla til í Dísubúð

Tveir árekstrar í vikunni

core/paragraph

Fjárhagsáætlun Hvalfjarðarsveitar fyrir árið 2024 ásamt þriggja ára áætlun 2025-2027 var samþykkt á fundi sveitarstjórnar á miðvikudaginn. Af lestri hennar kemur skýrt í ljós að sveitarfélagið með sína 756 íbúa er afar vel statt fjárhagslega, sama hvort litið er til rekstrar eða efnahags. Álagningarhlutfall útsvars á næsta ári verður óbreytt, eða 13,91%. Einnig verður álagningarhlutföll fasteignaskatts óbreytt. Meðal helstu lykiltalna í áætluninni kemur fram að heildartekjur samstæðu A og B hluta á árinu 2024 eru áætlaðar 1,478 milljarðar króna en heildargjöld verða 1,39 milljarðar. Þar af eru launagjöld 687,3 milljónir, annar rekstrarkostnaður 639,4 mkr. og afskriftir 61,9 mkr. Fjármunatekjur A og B hluta eru áætlaðar 81,9 mkr. og í A hluta eru þær áætlaðar 91,2 mkr. Rekstrarafgangur A og B hluta er áætlaður tæpar 173,2 mkr. á næsta ári.

Hvalfjarðarsveit stendur sömuleiðis afar sterkt fjárhagslega ef tekið er mið af því að skuldir og skuldbindingar samstæðureiknings sveitarsjóðs eru áætlaðar í árslok næsta árs 175 milljónir króna. Eigið fé A og B hluta er áætlað 4,75 milljarðar króna. Veltufé frá rekstri árið 2024 í A og B hluta er áætlað 233,8 mkr. Fjárfesting í A og B hluta er áætluð 613 mkr. á árinu 2024. Afborganir langtímalána verða engar og ekki er gert ráð fyrir að taka ný langtímalán á tímabilinu. Áætlað er að í árslok 2024 verði handbært fé um 1.767,4 milljónir króna.

Íþróttahús stærsta framkvæmdin

Á næsta ári eru samtals 613 mkr. áætlaðar til fjárfestinga. Áætlað er að hefja framkvæmdir við byggingu nýs íþróttahúss sem ekki tókst að byrja á á þessu ári líkt og áformað hafði verið, en það verður stærsta einstaka fjárfesting komandi árs; 510 mkr. Gert er ráð fyrir 45 mkr. nettó til áframhaldandi gatnagerðar í þriðja áfanga í Melahverfi. Til undirbúningsvinnu að byggingu nýs leikskóla eru áætlaðar 25 mkr., til áframhaldandi göngu- og reiðhjólastígagerðar 18 mkr., til vatnsveitu Hlíðarbæ eru 3 mkr. og 2 mkr. til opins svæðis í Krosslandi ásamt 10 mkr. framlagi til fjárfestinga Vatnsveitufélags Hvalfjarðarsveitar. Árið 2025 er gert ráð fyrir 866 mkr. til fjárfestinga, árið 2026 eru 623 mkr. og árið 2027 eru 608 mkr.

Fjárfest fyrir 2,7 milljarða á 4 árum

Á næstu fjórum árum eru ráðgerðir rúmir 2,7 milljarðar til framkvæmda í sveitarfélaginu sem skiptist þannig að rúmur 1,7 milljarður fer til byggingar nýs íþróttahúss, tæpar 600 mkr. til hönnunar og framkvæmda við nýjan leikskóla, tæpar 200 mkr. nettó til áframhaldandi gatnagerðar og 72 mkr. til göngu- og reiðhjólastígagerðar. Þá eru 20 mkr. áætlaðar til opins svæðis í Krosslandi og 3 mkr. til vatnsveitu í Hlíðarbæ. Að auki er 85 mkr. hlutdeild til Vatnsveitufélags Hvalfjarðarsveitar ásamt 25 mkr. hlutdeild í kaupum dælubíls Slökkviliðs Akraness og Hvalfjarðarsveitar.

Árið 2024 er gert ráð fyrir 45,2 mkr. til viðhalds eigna. Hæsta fjárhæðin er til Heiðarskóla eða 8,9 mkr., til Skýjaborgar eru áætlaðar 5,5 mkr., til Heiðarborgar 3,4 mkr., til Miðgarðs og Stjórnsýsluhúss eru áætlaðar 3,2 mkr. á hvora eign, til Sundlaugarinnar á Hlöðum 2,3 mkr. og lægri fjárhæðir til annarra eigna.

<a href="https://www.hvalfjardarsveit.is/is/stjornsysla/hvalfjardarsveit/frettir/fjarhagsaaetlun-hvalfjardarsveitar-2024-2027">Fjárhagsáætlun í heild sinni má lesa á vef sveitarfélagsins.</a>

Fréttaveita Vesturlands

Litlar skuldir og traustur rekstur einkennir Hvalfjarðarsveit