medium

thumbnail

small

custom-size

Stjórnarslit og boðað til þingkosninga í lok nóvember

Bjarki Pétursson ráðinn framkvæmdastjóri Golfklúbbs Borgarness

large

1536x1536

2048x2048

Slapp með skrekkinn þegar bíll hans rann í hálku og valt

Vestlendingar sigursælir á uppskeruhátíð LH

Minningarstund Englaforeldra í Akraneskirkju á þriðjudagskvöldið

Fjallað um hinsegin lífsgæði í framhaldsskólum

core/paragraph

Snæfell tók á móti Breiðabliki í Subway deild kvenna í körfuknattleik í gærkvöldi og var leikurinn í íþróttahúsinu við Borgarbraut í Stykkishólmi. Fyrir leik höfðu bæði lið tapað öllum sínum leikjum á tímabilinu og því alveg ljóst að tapliðið myndi sitja eitt á botni deildarinnar að leik loknum. Gestirnir úr Kópavoginum byrjuðu betur í leiknum og voru sex stigum yfir eftir fimm mínútna leik, 6:12. Þegar fyrsta leikhluta lauk voru Breiðablikskonur komnar í enn betri stöðu og leiddu með 14 stigum, 9:23, og heimakonur í ansi vondum málum. En þær bitu aldeilis í skjaldarrendur í seinni hluta annars leikhluta í stöðunni 17:30 og náðu 18-5 áhlaupi sem þýddi að stigamunurinn á milli liðanna var aðeins þrjú stig í hálfleik, staðan 35:38 fyrir Breiðabliki.

Breiðablik var yfirleitt með forystuna í þriðja leikhluta en gekk illa að hrista heimakonur af sér. Ansi hart var barist og það munaði aðeins tveimur stigum um miðja vegu, 47:49, og staðan var svipuð fyrir síðasta fjórðunginn, staðan 57:59 fyrir gestina. Spennan hélt áfram í fjórða leikhluta, munurinn á milli liðanna var aldrei meiri en þrjú stig og staðan var 73:75 þegar aðeins rúmar tvær mínútur voru eftir. En þá fóru Breiðablikskonur á flug, skelltu í lás og skoruðu átta stig gegn aðeins tveimur frá Snæfelli. Lokatölur urðu 75:83 fyrir Breiðablik sem þýðir að Snæfell situr eitt á botni deildarinnar án stiga.

Shawnta Shaw var atkvæðamest í liði Snæfells með 27 stig, 11 fráköst og 6 stoðsendingar, Mammusu Secka var með 18 stig og 15 fráköst og Eva Rupnik með 13 stig. Hjá Breiðabliki var Brooklyn Pannell langatkvæðamest með 36 stig, 9 fráköst og 7 stoðsendingar, Sóllilja Bjarnadóttir var með 15 stig og Þórdís Jóna Kristjánsdóttir með 13 stig.

Næsti leikur Snæfells er á móti Haukum næsta þriðjudag í Stykkishólmi og hefst klukkan 19.15.

Fréttaveita Vesturlands

Snæfell tapaði fyrir Breiðablik í botnslagnum