Fjölbrautaskóli Snæfellinga er orðinn UNESCO-skóli. Alls eru UNESCO-skólar hér á landi því orðnir 19 talsins; einn leikskóli, sjö grunnskólar og 11 framhaldsskólar. Sérstök þemavika um heimsmarkmiðin var haldin í Fjölbrautaskóla Snæfellinga í byrjun september. Þemavikan hófst á því að Kristrún María Heiðberg, verkefnastjóri UNESCO-skóla, kom í heimsókn og hélt fyrirlestur um heimsmarkmiðin fyrir nemendur og starfsfólk skólans. UNESCO-skólar er eitt elsta skólanet í heimi, starfrækt frá árinu 1953. Skólarnir eru nú um 12 þúsund talsins og starfa í yfir 180 löndum um allan heim.