medium

large

thumbnail

1536x1536

small

custom-size

Á annað hundrað húsasmiðir hafa lært hjá Akri

Maðurinn með ljáinn var mættur í Árbæjarsafn

Jafnt í Kaplakrika

2048x2048

Vegavinna víða í Dölunum

Á góðri stund í Grundarfirði um næstu helgi

Búast má við sprenginum við Borgarbrautina

core/paragraph

Viðræður um byggingu nýrrar sameiginlegrar miðstöðvar lögreglu og slökkviliðs í Borgarnesi eru komnar á góðan rekspöl. Stefnt er á að þessi nýja miðstöð verði á Fitjum, á lóð við hlið nýju björgunarmiðstöðvar Brákar. Vilji er til þess í dómsmálaráðuneytinu að starfsstöð lögreglu verði færð á hentugri stað en í núverandi lögreglustöð við Bjarnarbraut og eru Fasteignir ríkissjóðs með málið á sínu borði. Þá liggur einnig fyrir að Slökkvilið Borgarbyggðar þarf sömuleiðis hentugra húsnæði en húsnæðið við Sólbakka er þar að auki skemmt vegna myglu. Undirbúningur verkefnisins er því bæði á borði ríkis og sveitarfélagsins. Dæmi eru um að viðbragðsaðilar séu til húsa í þyrpingu og gjarnan vísað til Selfoss þar sem sú er raunin.

Stefán Broddi Guðjónsson sveitarstjóri staðfestir í samtali við Skessuhorn að viðræður um málið séu í gangi og segir hann hugmyndina hafa hlotið meðbyr hjá bæði þingmönnum og embættismönnum og mikill einhugur bæði hjá lögreglu og slökkviliði. Búið er að vinna þarfagreiningu vegna verkefnisins og frumhönnun byggingar til að átta sig á stærð væntanlegs húss. Þegar frumhönnun verður lokið er betur hægt að átta sig á umfangi verksins og kynna sem fjárfestingarkost. Vel kæmi til greina að bjóða verkið út sem einkaframkvæmd gegn því að gerður yrði samningur um langtímaleigu. Eðli málsins samkvæmt er því ekki komin tímaáætlun um framkvæmdina, en Stefán Broddi staðfestir að vilji sé til að hraða málinu eins og kostur er.

Þess má geta að á þessari sömu lóð hefur verið samþykkt að Brimborg fái leigt pláss til uppsetningar hraðhleðslustöðva en sá samningur verður gerður til skamms tíma þannig að ekki raski vinnu við uppbyggingu miðstöðvar lögreglu og slökkviliðs.

Stefnt er að sameiginlegri miðstöð lögreglu og slökkviliðs á Fitjum