medium

large

thumbnail

1536x1536

2048x2048

small

custom-size

„Ég er svo spennt að fá heilsuna aftur“

Þyrla kölluð út til Snæfellsbæjar

Skagamenn með sterkan sigur á Sindra í toppbaráttunni

Félagsmiðstöðin Arnardalur fagnar 45 ára afmæli

Fundað um fjarskiptasamband nærri jarðhræringunum

Þriðji leikhluti banabiti Skallagríms

core/paragraph

Miðvikudagskvöldið 15. nóvember fór fram íbúafundur á Hvanneyri þar sem Jón Björnsson, sérfræðingur hjá Umhverfisstofnun, kynnti hugmyndir um svokallaða heimsóknahönnun fyrir friðlandið í Andakíl. Um er að ræða aðferð sem ekki hefur þekkst hérlendis áður en fyrirmyndin er sótt til Noregs þar sem hún hefur verið notuð á fjölmörgum friðlýstum svæðum. Verkefnið í Andakíl verður unnið af Umhverfisstofnun í samstarfi við Landbúnaðarháskóla Íslands.

Heimsóknahönnun er áætlun um aðgerðir til stjórnunar og uppbyggingar á verndarsvæðum, sem hefur það að markmiði að tryggja upplifun og ánægju gesta og nærsamfélags með áherslu á mikilvægi verndar og staðbundinnar verðmætasköpunar. Jón sagði verndargildi svæða ávallt skipta mestu máli en í verkefninu verði einnig lögð áhersla á að vernda upplifun gesta og heimamanna af svæðinu. Verkefnið gengur út á að greina hver gæði svæðisins eru og undirbúa komu ferðamanna vel. Innviðir þurfi að vera tiltækir og hannaðir þannig að þeir hlífi viðkvæmri náttúru. Lögð var þó áhersla á að um hóflega uppbyggingu ferðamanna væri að ræða svo náttúra, gestir og heimamenn njóti góðs af verkefninu.

Fundurinn var vel sóttur og voru þeir fundargestir, sem tóku til máls, hlynntir þeim áformum sem kynnt voru. Sérstaklega voru gestir ánægðir með að ráðist yrði í slíka vinnu áður en gestum fjölgar enn meira, til að samfélagið og svæðið sé raunverulega tilbúið að taka á móti auknum fjölda þegar þar að kemur.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/11/Hugmyndir-kynntar-um-heimsoknahonnun-i-Andakil_2-1200x900.jpg" alt="" class="wp-image-71765" /><figcaption>Hluti fundargesta hlýða á fyrirlestur Jóns. Ljósm. rhj.</figcaption></figure>

Hugmyndir kynntar um heimsóknahönnun í Andakíl