medium

large

thumbnail

1536x1536

small

custom-size

Skógarstrandarvegur ekinn í sumarblíðunni

Klassart með tónleika í Hallgrímskirkju á sunnudaginn

Skátafélagið Örninn fór á landsmót

2048x2048

Vítaverður framúrakstur

Allt frá saumnálum til hjólastóla til í Dísubúð

Tveir árekstrar í vikunni

core/paragraph

Kraftlyftingafélag Akraness hélt Íslandsmót unglinga og öldunga í klassískum kraftlyftingum síðasta laugardag. Félagið var í góðu samstarfi við Ægi Gym, sem sá um að útvega húsnæði fyrir mótið í aðstöðu þeirra að Hafnarbraut 8 á Akranesi, ásamt því að sjá um skipulag og uppsetningu mótsins.

Met þátttaka var á mótinu en 81 keppandi var skráður til leiks. Kraftlyftingafélagið átti þar sjö öfluga keppendur sem stóðu sig allir gríðarlega vel og voru nokkrir að stíga sín fyrstu skref í keppni í kraftlyftingum.

Helstu úrslit voru þau að í -74 kílóa flokki sigraði Pétur Óliver Einarsson sem lyfti samanlagt í hnébeygju, bekkpressu og réttstöðulyftu alls 423,5 kg og Arnar Gaui Björnsson sigraði í -83 kg flokki og var stigahæstur í drengjaflokki og lyfti samanlagt 541 kg. Í unglingaflokki karla (19-23 ára) vann Helgi Jón Sigurðsson sigur í -105 kg flokki og varð stigahæstur í unglingaflokki karla en hann lyfti samanlagt 670,5 kg.

Þá sigraði Halla Rún Friðriksdóttir í öldungaflokki 2 (50-59 ára) í -84 kg kvenna þar sem hún lyfti samanlagt 297,5 kg og Bjarki Þór Sigurðsson fagnaði sigri í -120 kg flokki karla og setti Íslandsmet í samanlögðu þegar hann lyfti samtals 600 kg.

Fréttaveita Vesturlands

Vel tekið á því á Íslandsmóti í klassískum kraftlyftingum