medium

large

thumbnail

1536x1536

small

custom-size

Á annað hundrað húsasmiðir hafa lært hjá Akri

Maðurinn með ljáinn var mættur í Árbæjarsafn

Jafnt í Kaplakrika

2048x2048

Vegavinna víða í Dölunum

Á góðri stund í Grundarfirði um næstu helgi

Búast má við sprenginum við Borgarbrautina

core/paragraph

Skallagrímur og Fjölnir tókust á í sjöundu umferð 1. deildar karla í körfuknattleik á föstudagskvöldið og var leikurinn í Fjósinu í Borgarnesi. Fyrir leik voru gestirnir taplausir á toppi deildarinnar með tólf stig en Skallagrímur um miðja deild með sex stig. Fjölnir byrjaði betur í fyrsta leikhluta og náði 7:12 forskoti og virkuðu hraðir og ákveðnir í sínum aðgerðum. Skallarnir voru þó aldrei langt undan og söxuðu forskotið niður með fallegum og fjölbreyttum þristum. Undir lok leikhlutans komust þeir síðan yfir en Fjölnir jafnaði í 21:21 með flautukörfu. Annar leikhlutinn var algjörlega eign heimamanna og þeir náðu mest átta stiga forystu í stöðunni 35:27 eftir tæpar fjórar mínútur. Þeir voru miklu ákveðnari gegn Fjölnismönnum sem voru engan veginn að finna sig. Skallgrímur var mun sterkari aðilinn og er blásið var til leikhlés leiddu þeir með sjö stigum, 48:41.

Fjölnismenn voru frískari í byrjun þriðja leikhluta, skoruðu fyrstu fimm stigin og höfðu náð að jafna í 50:50 eftir tæpan þriggja mínútna leik. Skallagrímsmenn tóku þá kipp á ný og voru með átta stiga forskot þegar fjórar mínútur voru eftir. Þá spýttu gestirnir í enn á ný og höfðu náð að minnka muninn í aðeins eitt stig fyrir síðasta fjórðunginn, staðan 66:65 og allt útlit fyrir áframhaldandi spennu. Það var og en menn voru eitthvað taugastrekktir í byrjun fjórða leikhluta því fyrsta karfan fór ekki ofan í fyrr en eftir þrjár og hálfa mínútu þegar Björgvin Hafþór Ríkharðsson kom heimamönnum í þriggja stiga forystu. Segja má að leikurinn hafi verið í járnum það sem eftir lifði leiks en heimamenn voru alltaf líklegri til sigurs. Fjölnismenn gáfust þó aldrei upp og börðust um alla bolta en nýttu færin ekki alveg nógu vel og Skallagrímur fagnaði að lokum frábærum sigri, lokatölur 82:78.

Hjá Skallagrími var fyrirliðinn Björgvin Hafþór Ríkharðsson í essinu sínu og var með 20 stig, 14 fráköst og 10 stoðsendingar. Darius Banks var með 19 stig og Marinó Þór Pálmason með 14 stig. Lewis Diankulu var atkvæðamestur hjá Fjölni með 22 stig, Viktor Steffensen var með 21 stig og Rafn Kristján Kristjánsson með 9 stig.

Atli Aðalsteinsson þjálfari Skallagríms sagði í viðtali við karfan.is eftir leik að allan leikinn hefðu þeir gert nákvæmlega það sem þeir lögðu upp með og það gekk upp á endanum. Hann sagði að þeir hefðu varla spilað neina vörn að ráði á þessu tímabili en í þessum leik var vottur af trú og hjarta til að fara að stoppa það. „Við höfum alla burði til þess að vera í toppbaráttunni en erum alls ekki komnir þangað ennþá,“ sagði Atli.

Næsti leikur Skallagríms er á móti ÍR sem er í 1.-3. sæti deildarinnar ásamt Fjölni og KR með tólf stig en Skallagrímur er í sjötta sæti með átta stig. Leikurinn er á föstudaginn í Breiðholtinu og hefjast leikar klukkan 19.15.

Fréttaveita Vesturlands

Skallagrímur lagði topplið Fjölnis