medium

large

thumbnail

1536x1536

small

custom-size

Skógarstrandarvegur ekinn í sumarblíðunni

Klassart með tónleika í Hallgrímskirkju á sunnudaginn

Skátafélagið Örninn fór á landsmót

2048x2048

Vítaverður framúrakstur

Allt frá saumnálum til hjólastóla til í Dísubúð

Tveir árekstrar í vikunni

core/paragraph

Það er óhætt að segja að leikmenn Snæfells hafi ekki riðið feitum hesti í gærkvöldi þegar þær mættu Njarðvík í áttundu umferð Subway deildar kvenna í körfuknattleik. Síðasti leikur Snæfells var í lok október og því um þrjár vikur síðan og má segja og skrifa að þær hafi verið smá ryðgaðar í byrjun leiks. Heimakonur í Njarðvík skoruðu 21 stig í röð áður en Adda Sigríður Ásmundsdóttir kom Snæfelli á blað þegar þrjár og hálf mínúta var liðin af fyrsta leikhluta. Þegar hann var flautaður af var staðan 27:4 fyrir Njarðvík og nokkuð ljóst að langt kvöld var framundan hjá gestunum. Í öðrum leikhluta náði Snæfell sér þó aðeins á strik og skoraði jafnmörg stig og heimakonur, alls 20 og staðan 47:24 Njarðvík í vil.

Snæfell komst lítt áleiðis gegn sterkri vörn heimakvenna í þriðja leikhluta og þær skoruðu aðeins átta stig á tíu mínútum. Á sama tíma röðuðu leikmenn Njarðvíkur niður körfum að vild og höfðu 49 stiga forystu þegar leiktíminn rann út fyrir síðasta fjórðunginn, staðan 81:32. Þegar leiknum lauk var stigamunurinn á liðunum kominn í 62 stig og áttunda tap Snæfells í röð í deildinni, lokatölur 108:46.

Mammusu Secka var stigahæst hjá Snæfelli með 12 stig, Eva Rupnik var með 10 stig og þær Adda Sigríður Ásmundsdóttir og Dagný Inga Magnúsdóttir með 7 stig hvor. Hjá Njarðvík var Tynice Martin með 26 stig, Andela Strize með 16 stig og Emilie Hesseldal með 14 stig. &nbsp;

Næsti leikur Snæfells er á miðvikudaginn gegn Breiðabliki en bæði lið eru enn án stiga og því mikilvægur leikur um hvaða lið fær sín fyrstu stig í vetur. Hann verður í Stykkishólmi og hefst klukkan 19.15.

Fréttaveita Vesturlands

Njarðvík vann stórsigur á Snæfelli