medium

thumbnail

small

custom-size

Stóraukin snjóflóðahætta á Austfjörðum

large

1536x1536

2048x2048

Móta hugmyndir að svæðisbundnum stuðningi í landbúnaði

Snjókoma og gul viðvörun á laugardag

Orka úr iðrum jarðar nú nýtt til að hita upp íþróttahúsið í Grundarfirði

Ólöglegt fiskeldi til rannsóknar hjá Mast

Nóg að gera í Grunnskóla Snæfellsbæjar

core/paragraph

Í gær var ný heimasíða sveitarfélagsins Borgarbyggðar sett í loftið. Það var afmælisbarn dagsins og starfsmaður hjá Borgarbyggð, Guðrún Ásta Völundardóttir, ásamt Stefáni Brodda Guðjónssyni sveitarstjóra, sem opnuðu síðuna með formlegum hætti. Vefhönnun var í höndum fyrirtækisins Vettvangur og uppsetning og forritun er unnin af fyrirtækinu Netvöktun. Umsjón með verkefninu hafði María Neves sem er samskipta- og þjónustustjóri sveitarfélagsins. Í kynningu um síðuna segir að hönnun og útlit hennar sé notendavænna en á eldri síðunni og var veftré hennar endurhannað með þarfir notenda að leiðarljósi, með það markmið að gera hana aðgengilegri og einfaldari í notkun. Síðan aðlagar sig að skjástærð og vöfrum sem gerir það að verkum að hún er aðgengileg óháð því hvort hún sé opnuð í tölvu, spjaldtölvu eða snjallsíma.

Einhverja efnislega hnökra má enn sjá á síðunni þrátt fyrir að hún hafi nú verið opnuð. Slíkt er reyndar regla fremur en undantekning í stórum vefverkefnum sem þessu. Skessuhorn hafði samband við Stefán Brodda Guðjónsson sveitarstjóra vegna ágalla um að t.d. eru nýjar fundargerðir ekki að finna á síðunni. „Nýja síðan er ennþá í þróun og við erum meðvituð um að eftir er að ljúka við fínslípun á nokkrum atriðum sem á henni er að finna. Ég vil því biðja lesendur okkar að sýna okkur þolinmæði meðan unnið er við uppfærslu og lagfæringar, en við erum að greiða úr þeim ágöllum sem ábendingar hafa borist um,“ segir Stefán Broddi.

Í frétt á nýju heimasíðunni segir um opnun hennar að nýjungar séu væntanlegar fljótlega, en þær komi til með að gagnast og auðvelda íbúum og öðrum notendum að koma erindum sínum áleiðis til sveitarfélagsins. „Um er að ræða verkefni sem koma til með að bæta þjónustustig sveitarfélagsins til muna. Dæmi um viðbætur er stafrænt sorphirðudagatal, bókunarkerfi, reiknivélar og spjallmenni.“ Þá mun síðan bjóða upp á enskt og pólskt veftré til að byrja með. Loks segir að nýja heimasíðan og allt ofangreint séu liður í stórátaki sveitarfélagsins í stafrænni þróun með það að markmiði að bæta enn frekar þjónustu, vinnulag og skilvirkni með innleiðingu tækninýjunga.

Ný heimasíða Borgarbyggðar komin í loftið