Í dag var kennsla með stysta móti í Fjölbrautaskóla Vesturlands á Akranesi en nú fer hið árlega skammhlaup fram í skólanum. Skammhlaupið hófst með pylsupartýi í mötuneytinu í hádeginu. Í ljósi þess að íþróttahúsið á Vesturgötu er lokað var ekki skrúðganga þangað frá FVA að þessu sinni. Dagskráin var í íþróttahúsinu á Jaðarsbökkum og hófst eftir hádegi þar sem keppt var í óhefðbundnum íþróttagreinum.