Á Degi gegn einelti sem var í gær, miðvikudaginn 8. nóvember, afhentu Guðni Th. Jóhannesson forseti Íslands og Ásmundur Einar Daðason mennta- og barnamálaráðherra hvatningarverðlaun Dags gegn einelti við hátíðlega athöfn í Hólabrekkuskóla í Breiðholti. Fagráð eineltismála hjá Menntamálastofnun valdi verðlaunahafa úr innsendum tilnefningum og fyrir valinu varð Lilja Ósk Magnúsdóttir, verkefnastjóri forvarna og félagsmála hjá Tækniskólanum.