Rithöfundurinn Gunnar Helgason var í heimsókn í Pennanum Eymundsson á Akranesi á föstudaginn þar sem hann var að kynna nýjustu barnabók sína, Bannað að drepa, sem er framhald metsölubókanna Bannað að eyðileggja og Bannað að ljúga. Bókin er sú þriðja og síðasta í seríunni um Alexander Daníel Hermann Dawidsson og fjölskyldu hans. Bókin er myndskreytt af Rán Flygenring sem á dögunum hlaut barna- og unglingabókaverðlaun Norðurlandaráðs fyrir myndabókina Eldgos sem gefin var út í fyrra.