Nýja Dvaló fékk nafnið Dvalar- og hjúkrunarheimilið Systraskjól en er það staðsett í gamla hluta St. Franciskusspítalans í Stykkishólmi sem nú hefur verið endurgerður. Texti og myndir: Steinunn Þorvaldsdóttir
Nýtt dvalarheimili var formlega vígt í Stykkishólmi – Myndir frá opnun
Nýtt dvalar- og hjúkrunarheimili var formlega vígt í Stykkishólmi í síðustu viku en heimilið er staðsett í núverandi byggingu Heilbrigðisstofnunar Versturlands, í eldri hluta St. Franciskusspítalans. Heilbrigðisráðuneytið og Stykkishólmsbær stóðu að uppbyggingunni en Skipavík sá um framkvæmdir, sem staðið hafa yfir síðan í júlí 2021. Hjúkrunarheimilið er á annarri og þriðju hæð hússins og samanstendur af 18 einstaklingsrýmum sem hvert um sig hefur sér baðherbergi en eldhús og setustofur eru sameiginlegar. Heildarstærð heimilisins eru 1.280 fermetrar.