medium

large

thumbnail

1536x1536

2048x2048

small

custom-size

Úr sarpi: „Mér þykir vænt um þetta hús“

Úr sarpi: Hættir kennslu eftir 36 ára starf við Varmalandsskóla

Lokafrágangur eftir við nýtt listaverk Errós í Ólafsvík

Útselsstofninn talinn vera svipað stór og síðustu ár

Árný Huld er íbúi ársins í Reykhólahreppi

Eiríkur mun sjá um viðgerðir á grunnskólanum

core/paragraph

Tónlistarhátíðin Heima-Skagi fór fram á laugardagskvöldið í gamla bænum á Akranesi og mátti sjá fólk á ferðinni út um allan neðri Skagann langt fram á kvöld. Veðrið var kyrrt og stillt og var undirritaður einn af þeim fjölmörgu sem tóku röltið þetta kvöld til að hlusta á tónlistarfólk spila á hinum ýmsu stöðum. Fyrsti viðkomustaður var Vitateigur 2 þar sem hjónin Ellen og Eyþór spiluðu ljúfa tóna. Mannakornslagið Litla systir var fyrst á dagskrá og síðan var þotið af stað í Blikksmiðju Guðmundar til að hlusta á Kolrössu krókríðandi. Elísa Newman og stöllur voru í miklu stuði og skemmtu sér og áheyrendum mjög vel. Móðir mín í kví kví af plötunni Drápu hljómaði vel, Ikarus af Kynjasögum var kröftugt og þá tóku þær ábreiðu af Stone Roses laginu I Wanna Be Adored sem þær fóru vel með. Næst var ferðinni heitið á Háteig 6 þar sem Magnús Þór Sigmundsson var til húsa og þar var fullt út úr dyrum. Þar stóð maður í forstofunni og hlustaði á Magnús Þór flytja nokkur lög. Í miðju lagi bað hann gesti vinsamlegast að lækka aðeins í sér því hann heyrði ekki lengur í sjálfum sér og það gengi ekki. Því næst spilaði hann Ísland er land þitt og endaði tónleikana á óskalagi húsfreyjunnar á bænum sem var lagið Álfar og fékk Magnús Þór fólkið til að syngja með í viðlaginu.

Eftir þennan troðning var haldið á Grundartún 8 þar sem Diddú var á klassískum nótum sem var ekki að mínum smekk en örugglega margra og ég hélt því ótrauður á Rakarastofu Hinriks þar sem Valgerður Jónsdóttir og Eddi Lár spiluðu fyrir um tíu manns í góðri stemningu. Eddi töfraði fram hina ýmsu tóna úr gítarnum og Valgerður fylgdi með og söng eigin lög á smekklegan hátt. Þegar ég stakk af var blúslag í gangi sem yljaði mér hálfa leið að Akraneskirkju þar sem söngkonan GDRN og píanistinn Magnús Jóhann spiluðu fyrir kirkjugesti. Á dagskránni voru aðallega lög af plötunni Tíu íslensk sönglög sem kom út á síðasta ári. Vikivaki, Ó, þú og Hjálmalagið Leiðin okkar allra voru afar vel flutt af tónlistarparinu en bestur var flutningur þeirra á lögunum Hjarta mitt og Rósin sem Guðrún Ýr sagði að væri uppáhaldslag ömmu sinnar. GDRN er með silkimjúka rödd og hlýja og vakti hughrif hjá mörgum þetta kvöld fyrir frábæran flutning á þessum gömlu góðu lögum. Þá má alls ekki gleyma Magnúsi Jóhanni sem fór hamförum á flyglinum, klæddi hann úr og gróf sig stundum ofan í hann og sýndi í leiðinni mikla fingrafimi og næmni fyrir tónlistinni. Hápunktur kvöldsins og efalaust hjá fleirum sem hlýddu á þau skötuhjú þetta kvöld og gott að enda kvöldið í Akraneskirkju þar sem er afar góður hljómur og góður staður fyrir svona tónleika.

Í ár var sú breyting að kvöldið endaði í Bíóhöllinni þar sem Bogomil Font og Milljónamæringarnir enduðu hátíðina með balli þar sem Marsbúa cha cha cha og fleiri lög skemmtu gestum vel yfir miðnætti. Tímarammi hátíðarinnar er rúmir tveir tímar og er í þrengra lagi þegar ellefu tónlistarmenn spila víðs vegar um bæinn eins og þetta kvöld. Undirritaður náði ekki að sjá Mugison, Langa Sela, Rebekku Blöndal og Árstíðir en það er hluti af svona konsepti og það þarf að velja og hafna. Kannski væri hægt að nýta betur hús eins og Akraneskirkju, Skemmuna og Bíóhöllina þar sem fleiri komast fyrir og jafnvel lengja tímarammann örlítið en kannski er þetta bara röfl í blaðamanni.

Niðurstaðan er sú að Heima-Skagi 2023 var á lágstemmdum nótum þetta árið fyrir utan örfáar undantekningar þar sem tónlistaráhugamenn og aðrir gerðu sér glaðan dag í góðu veðri og í góðum félagsskap. Tónlistin var fjölbreytt, úr öllum áttum og sýndi enn og aftur hvað íslenskir tónlistarmenn eru framarlega á mælikvarða góðrar tónlistar og framkomu. Takk fyrir mig og sjáumst og heyrumst að ári.

core/image

<figure class="wp-block-image size-large"><img src="https://umsjon.skessuhorn.is/wp-content/uploads/2023/10/Heima-Skagi-a-lagstemmdum-notum2-1200x900.jpg" alt="" class="wp-image-70889"/><figcaption>Eddi Lár og Valgerður Jóns spiluðu á Rakarastofu Hinriks. Ljósm. vaks</figcaption></figure>

<figure class="wp-block-image size-large"><img src="https://umsjon.skessuhorn.is/wp-content/uploads/2023/10/Heima-Skagi-a-lagstemmdum-notum3-1200x900.jpg" alt="" class="wp-image-70890"/><figcaption>Magnús Jóhann og GDRN glöddu gesti í Akraneskirkju. Ljósm. vaks</figcaption></figure>

<figure class="wp-block-image size-large"><img src="https://umsjon.skessuhorn.is/wp-content/uploads/2023/10/Heima-Skagi-a-lagstemmdum-notum4-1200x900.jpg" alt="" class="wp-image-70891"/><figcaption>Bogomil Font tjúttaði fram á rauða nótt. Ljósm. vaks</figcaption></figure>

<figure class="wp-block-image size-large"><img src="https://umsjon.skessuhorn.is/wp-content/uploads/2023/10/Heima-Skagi-a-lagstemmdum-notum5-1200x800.jpg" alt="" class="wp-image-70892"/><figcaption>Mugison lauk kvöldinu í Skemmunni. Ljósm. Daníel Ágústsson (Blik Studio)</figcaption></figure>

<figure class="wp-block-image size-large"><img src="https://umsjon.skessuhorn.is/wp-content/uploads/2023/10/Heima-Skagi-a-lagstemmdum-notum6-1200x800.jpg" alt="" class="wp-image-70893"/><figcaption>Forsetinn heimsótti og heiðraði hátíðina. Hér er hann ásamt hjónunum Bjarna Þór og Ástu Alfreðs. Ljósm. Daníel Ágústsson (Blik Studio)</figcaption></figure>

<figure class="wp-block-image size-large"><img src="https://umsjon.skessuhorn.is/wp-content/uploads/2023/10/Heima-Skagi-a-lagstemmdum-notum7-1200x800.jpg" alt="" class="wp-image-70894"/><figcaption>Það var fullt hús á Magnúsi Þór. Ljósm. Daníel Ágústsson (Blik Studio)</figcaption></figure>

<figure class="wp-block-image size-large"><img src="https://umsjon.skessuhorn.is/wp-content/uploads/2023/10/Heima-Skagi-a-lagstemmdum-notum8-1200x800.jpg" alt="" class="wp-image-70895"/><figcaption>Langi Seli og Skuggarnir voru í svörtu. Ljósm. Daníel Ágústsson (Blik Studio)</figcaption></figure>

Fréttaveita Vesturlands

Heima-Skagi á lágstemmdum nótum – Myndasyrpa