medium

large

thumbnail

1536x1536

small

custom-size

Öllum skerðingum raforku til stórnotenda aflétt

Fjórða og síðasta Magnúsarvaka verður í Fossatúni á laugardaginn

Akraneskaupstaður hélt kynningarfund fyrir Cruise Iceland

2048x2048

Samið við Landssamband slökkviliðs- og sjúkraflutningamanna

Mikið álag á viðgerðaflokkum Rarik á Vesturlandi

Verkföll boðuð í fimm framhaldsskólum og þeirra á meðal í FSN

core/paragraph

Fyrir hádegi í dag voru hin árlegu umhverfisverðlaun Borgarbyggðar afhent við hátíðlega athöfn í Hjálmakletti í Borgarnesi. Að venju er það umhverfis- og landbúnaðarnefnd sveitarfélagsins sem stendur fyrir þessari verðlaunaveitingu og stýrði Sigrún Ólafsdóttir formaður nefndarinnar samkomunni. Auglýst var eftir tilnefningum frá almenningi um hvaða garðar, býli eða fyrirtæki/stofnanir verðskulduðu að hljóta verðlaun fyrir árið 2023. Nefndin safnaði saman þeim tilnefningum sem bárust og fór í vettvangsferðir til að meta aðstæður. Einnig var samfélagsviðurkenning afhent. Verðlaunahöfum var færð birkiplanta frá Páli og Ritu í Grenigerði auk viðurkenningarskjals. Þá fengu handhafar snyrtilegasta býlisins að venju afhent merki sem sett verður við bæjarskiltið út við þjóðveg.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/10/Afhentu-umhverfisverdlaun-Borgarbyggdar_2-1200x823.jpg" alt="" class="wp-image-70905"/><figcaption>Bakkakot í Stafholtstungum við sólsetur sl. sunnudag.</figcaption></figure>

Snyrtilegasta bændabýlið

Bakkakot í Stafholtstungum hlaut verðlaun fyrir snyrtilegasta bændabýlið í sveitarfélaginu. Þar búa þrjár kynslóðir bænda í jafn mörgum íbúðarhúsum. Elst eru Kristján Franklín Axelsson og Katrín Hjartar Júlíusdóttir, þá Kristín Kristjánsdóttir og Sigurgeir Sindri Sigurgeirsson og loks eru yngstu hjónin þau Lilja Rannveig Sigurgeirsdóttir og Ólafur Daði Birgisson. Sigrún Ólafsdóttir sagði nefndina hafa verið einróma í ákvörðun sinni að verðlaun þessi féllu í hlut býlis þar sem búskapur er enn stundaður. „Í Bakkakoti er myndarlegur búskapur, gömul hús í bland við nýrri, og allt umhverfi þeirra snyrtilegt og raunar með glæsibrag hvort sem snýr að ræktun, lóðum við íbúðarhús eða öðru.“

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/10/Afhentu-umhverfisverdlaun-Borgarbyggdar_3-1200x800.jpg" alt="" class="wp-image-70906"/><figcaption>Smátún á Kleppjárnsreykjum.</figcaption></figure>

Falleg lóð við íbúðarhúsnæði

Snyrtilegasta lóð við íbúðarhús var Smátún í Reykholtsdal. Þar búa Unnar Bjartmarsson og Eva Lind Jóhannsdóttir. Þessi fyrrum lóð þvottahúss sveitarinnar, er stór en vel gróin og liggur meðfram hveralæknum. Auk íbúðarhúss er skemma, nokkur smærri hús og gróðurhús á lóðinni. Allt viðhald húsa og lóðar er til fyrirmyndar og öllu vel til haga haldið. Smátún hefur áður unnið til verðlauna en nefndin taldi fulla ástæðu til að endurtaka það nú.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/10/Afhentu-umhverfisverdlaun-Borgarbyggdar_4-1200x800.jpg" alt="" class="wp-image-70907"/><figcaption>Brákarhlíð í Borgarnesi.</figcaption></figure>

Snyrtileg lóð við atvinnuhúsnæði

Snyrtilegasta lóð við atvinnuhúsnæði er Brákarhlíð, hjúkrunar- og dvalarheimili í Borgarnesi. Fram kom hjá Sigrúnu að lóðinni væri vel við haldið og hún skreytt eða upplýst eftir árstíðum. Sumarblóm eru ræktuð á staðnum og viðhald húsa og lóða til fyrirmyndar að mati dómnefndar. Það var Inga Dóra Halldórsdóttir framkvæmdastjóri sem tók við verðlaunum fyrir hönd starfsfólks og íbúa í Brákarhlíð.

Bjarni hlaut samfélagsviðurkenninguna

Samfélagsviðurkenningu umhverfis- og landbúnaðarnefndar Borgarbyggðar hlaut að þessu sinni Bjarni Guðmundsson á Hvanneyri. Það var samdóma álit nefndarinnar að heiðra Bjarna fyrir framlag hans til landbúnaðar, fræðslu og útgáfumála í áratugi. Bjarni fagnaði eins og kunnugt er 80 ára afmæli sínu fyrr á þessu ári. „Landbúnaður stendur í brattri brekku um þessar mundir. Landbúnaðarnefnd þótti við hæfi að draga fram ljósan punkt í því samhengi,“ sagði Sigrún Ólafsdóttir. „Bjarni er sístarfandi fræðimaður og vel liðinn kennari alla tíð og því ber nafn hans einatt á góma þegar Hvanneyri er nefnd.“ Sigrún gat þess einnig að Bjarni væri í sérstöku uppáhaldi hjá henni sem Facebook vinur. „Það er svo notalegt að upplifa sveitina og hug hans til landbúnaðar og dreifbýlis í gegnum skrif hans, myndir og í gegnum lifandi teikningar. Það tengir okkur við fyrri tíma og rót okkar allra. Þessi símiðlun er gott innlegg í samtímann. Bjarni hefur gert mikið fyrir íslenskan landbúnað og ekki síst okkar hérað,“ sagði Sigrún Ólafsdóttir.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/10/Afhentu-Umhverfisverdlaun-Borgarbyggdar_5-1200x800.jpg" alt="" class="wp-image-70908"/><figcaption>Verðlaunahafar ásamt nefndinni og starfsmanni hennar. Í efri röð f.v. Sóley Birna Baldursdóttir, Davíð Sigurðsson, Þorsteinn Eyþórsson, Thelma Harðarsdóttir, Sigrún Ólafsdóttir og Kristján Magnússon. Sitjandi f.v. Inga Dóra Halldórsdóttir, Unnar Bjartmarsson, Kristján F Axelsson, Katrín Hjartar Júlíusdóttir, Kristín Kristjánsdóttir, Sigurgeir Sindri Sigurgeirsson og Bjarni Guðmundsson.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/10/Afhentu-Umhverfisverdlaun-Borgarbyggdar_6-1200x1533.jpg" alt="" class="wp-image-70909"/><figcaption>Gestir boðnir velkomnir í Smátún í Reykholtsdal. Ljósm. aðsend.</figcaption></figure>

Fréttaveita Vesturlands

Afhentu Umhverfisverðlaun Borgarbyggðar 2023