Miðstöð öldrunarþjónustu í Stykkishólmi kallaði nýverið eftir tillögum að nafni á miðstöðina. Opnað var fyrir tillögur í grillveislu sem haldin var að Skólastíg 14 sunnudaginn 8. október. Bauðst fólki þá að senda inn tillögur að nafni til sunnudagsins 15. október. Þá tók þar til gerð nefnd við boltanum og hefur nú valið úr fimm álitlegustu tillögurnar sem fólki stendur nú til boða að kjósa á milli.