medium

large

thumbnail

1536x1536

2048x2048

small

custom-size

Ísland á leið heim af EM eftir leik við Noreg á fimmtudaginn

Gul viðvörun vegna suðaustan hvassviðris í dag

Metaðsókn er í lögreglunám

Akraneskaupstaður þrýstir á styttingu leikskóladvalar með lækkun og hækkun gjalda

Handritahátíð á Eiríksstöðum um næstu helgi

Ólafsvíkurvaka heppnaðist með ágætum – myndasyrpa

core/paragraph

Kammerhópurinn Kvika er nafn á nýstofnuðum sönghóp í Borgarfirði. Forsprakki hópsins er Viðar Guðmundsson kórstjóri og útfararstjóri með meiru og sagði hann blaðamanni Skessuhorns betur frá málinu.

,,Við stofnuðum Kammerhópinn Kviku því okkur fannst vanta blandaðan sönghóp til að taka að sér að syngja við útfarir og önnur verkefni. Þessi hugmynd hafði verið að gerjast í mér í einhvern tíma, en Steinunn Þorvaldsdóttir söngkona hafði líka verið að velta möguleikanum á þessari hugmynd fyrir sér. Það er smá fyndið að segja frá því, en hún er blaðamaður hjá Skessuhorni ásamt því að vera tónlistarkona. Hún kom í heimsókn í sumar og tók við mig viðtal fyrir Skessuhorn. En þá fórum við að tala um þessa hugmynd og ég hugsaði að þarna væri manneskjan sem þekkir alla sem ég þekki ekki; nú gætum við farið að plögga.

Hún sá um að safna reyndu fólki í hópinn, en allir hafa verið viðloðandi klassíska tónlist. Innan hópsins er organisti, píanóleikari, gítarleikari, fiðluleikari, þverflautuleikari og einsöngvarar. Allir hafa verið lengra komnir í tónlistarnámi og svo erum við líka með fólk í hópnum sem hefur verið að semja og útsetja tónlist. Svo við sjáum jafnvel fyrir okkur að geta útsett óskalög og flutt með stuttum fyrirvara. Við erum því til þjónustu reiðubúin með flest.

Við höfum verið að hugsa þetta líka fyrir litlu kirkjurnar þar sem er ekki kór. Oft er ekki pláss fyrir stóran sönghóp; þá gæti þessi hópur hentað vel, en við getum bæði komið fram sem kvartett eða sem stærri hópur,“ segir Viðar.

Hópurinn vill þó ekki einungis gefa sig út fyrir að syngja við útfarir. Þau stefna m.a. á jólatónleika í desember og að koma fram á jólagleði á Hvanneyri 2. desember. Viðar segir hópinn vilja taka að sér fjölbreytt verkefni og sé opinn fyrir flestu.

Hér fyrir neðan má sjá Kviku flytja Næturljóð eftir Frederic Chopin við ljóð Jóns frá Ljárskógum.

core/embed

<figure class="wp-block-embed is-type-video is-provider-youtube wp-block-embed-youtube wp-embed-aspect-16-9 wp-has-aspect-ratio"><div class="wp-block-embed__wrapper">
https://www.youtube.com/watch?v=9mVJR3KA8kk
</div></figure>

Fréttaveita Vesturlands

Kammerhópurinn Kvika er nýstofnaður sönghópur