medium

large

thumbnail

1536x1536

2048x2048

small

custom-size

Skagamenn unnu KR og fiskar komu á land

Hitatölur gærdagsins talsvert frá meti á Hvanneyri

Gaman að skreppa á heiðina

Styrkir veittir til orkusparnaðar í ylrækt

ÍA hafði betur í leik erkifjendanna

Jökulár vaxa í hlýindunum

core/heading

<h2>Rætt við tónlistar- og útvarpsmanninn, og nú Borgnesinginn, Friðrik Ómar Hjörleifsson</h2>

core/paragraph

Friðrik Ómar Hjörleifsson þarf vart að kynna fyrir þjóðinni, en rödd hans þekkja flestir landsmenn, hvort sem er í stórsöng eða í ljúfu tali í útvarpsþættinum Félagsheimilinu sem er á dagskrá Rásar 2 alla laugardaga. Friðrik Ómar ólst upp á Akureyri og á Dalvík en hefur undanfarin 20 ár búið í Reykjavík. Nú hefur hann þó fest kaup á húsi í Borgarnesi og ætlar að flytjast búferlum í byrjun næsta árs. Friðrik Ómar er alla jafnan með mörg járn í eldinum og starfar í raun vítt og breitt um landið. Hann á m.a. viðburðarfyrirtækið Rigg ehf þar sem hann stýrir uppsetningu stórtónleika og tónlistarútgáfu. Nú stendur hann í ströngu við að undirbúa jólatónleikana sína, Heima um jólin, sem fram munu fara í Hörpu, Hofi, Hjálmakletti í Borgarnesi og víðar. Friðrik segist spenntur að kynnast samfélaginu og halda fleiri viðburði á svæðinu. Blaðamaður spjallaði við Friðrik Ómar um tónlistina, Borgarfjörðinn og það sem framundan er.

Tenging í Stafholtstungurnar ,,Ég er fæddur á Akureyri en foreldrar mínir eru báðir úr Öxnadal, frá Auðnum og Steinsstöðum. Pabbi er hins vegar fæddur á Hamraendum í Stafholtstungum. Amma mín flutti þangað sem vinnukona eftir að hún missti fyrsta eiginmanninn sinn úr krabbameini. Þar kynntist hún afa en hann kom frá Ísafirði og þau eignuðust saman tíu börn,“ hefur Friðrik frásögn sína. Aðspurður segist hann ekki vita til þess að hann eigi ættingja á svæðinu en fjölskyldan flutti fljótlega aftur norður.

Tónlistarheimilið Friðrik var einungis fjögurra ára þegar hann byrjaði að æfa á trommur. ,,Bróðir minn er atvinnutrommari í dag og spilaði t.d. með Stjórninni í nokkur ár, m.a. í Nei eða já þegar það lag fór í Eurovision. Ætli ég hafi ekki horft aðeins upp til hans en hann er fæddur 1966. Ég er yngstur fjögurra systkina en ásamt því að eiga einn bróður á ég líka tvær systur. Þau eru öll hálfsystkini mín en ég er einkabarnið hans pabba,“ segir Friðrik Ómar.

Er þá mikill tónlistaráhugi í fjölskyldunni þinni? ,,Já, pabbi er mikill tónlistaráhugamaður en hann spilaði líka á trommur og söng. Mamma söng svo í kórum og það var mikið hlustað á tónlist heima. Ég ætlaði alltaf að verða trommari en þegar ég var átta ára var ég beðinn um að syngja einsöng á söngskemmtun í skólanum. Bæjarblaðið skrifaði þá um englaröddina sem söng þarna Aravísur, það steig mér að sjálfsögðu til höfuðs svo ég hef ekki þagað síðan,“ segir Friðrik Ómar og hlær.

Ætlaði alltaf í tónlistina ,,Árið 1990 fór Stjórnin hringinn í kringum landið í framhaldi af sigurför þeirra í Eurivision en þau Sigga og Grétar héldu þá söngkeppni sem ég tók þátt í og vann, sem er svolítið skemmtilegt en þau eru góðir vinir mínir í dag. Það var ákveðin tíska í gamla daga að halda söngkeppnir fyrir krakka. En þarna var ég níu ára og hugsaði með mér að þetta væri kannski eitthvað, að syngja.

Um þetta leiti fór ég svo að æfa á gítar og á píanó, þá voru ekki byrjaðir svona söngskólar fyrir börn eins og til eru í dag. Ég hélt bara áfram í tónlistarnámi og var í hljómsveitum. Ég hafði alltaf brennandi áhuga og vissi alveg að þetta var það sem ég ætlaði að gera. Ég var líka að semja lög og taka þau upp þegar ég var krakki, svo bjó ég til mína eigin útvarpsstöð og spilaði lögin mín,“ segir Friðrik og hlær. ,,Ég sameinaði þarna tvö helstu áhugamálin mín sem eru tónlist og fjölmiðlar.“

Allt fór af stað Á unglingsárunum fór Friðrik Ómar svo að koma opinberlega fram sem söngvari. ,,Þegar ég var 19 ára tókum við Hera Björk þátt í Landslaginu sem var lagakeppni á Bylgjunni árið 2001 og þá með frumsamið lag eftir mig. Þá fyrst fór ég að fara suður til Reykjavíkur og syngja þar. Það endaði með því að ég flutti til Reykjavíkur 2003 en þá fór ég beint í sýningarnar á Broadway og að syngja á plötuna Íslensk ástarlög sem Steinar Berg gerði. Ég kynntist Guðrúnu Gunnarsdóttur þetta sama ár og leysti í framhaldinu Stefán Hilmarsson af í verkefni þeirra með lögum Ellýar Vilhjálmsdóttur. Úr varð að við gáfum út okkar fyrstu plötu saman, Ég skemmti mér, árið 2005. Við gáfum út þrjár slíkar plötur sem seldust alveg í bílförmum.“

Fór kollhnís í bransann Árið 2006 fór Friðrik að keppa í Söngvakeppni sjónvarpsins. ,,Ég lenti í þriðja sæti það ár, öðru sæti árið þar á eftir og svo unnum við Regína 2008. Þá breyttist allt og ég fór kollhnís inn í bransann. Samhliða þessu öllu hafði ég starfað við útvarp frá 18 ára aldri fyrir norðan og hélt því síðan áfram þegar ég kom suður á Létt 96,7 og á Bylgjunni. Svo sagði ég upp 2005 því ég ætlaði að gera sönginn að fullu starfi. Nú er ég samt mættur aftur í útvarpið, þessi baktería er sterk í mér og það er náttúrulega rosalega skemmtilegt að vinna með honum Sigga vini mínum Gunnarssyni,“ segir Friðrik.

Hvaðan kemur útvarpsáhuginn? ,,Ég man að ég fór í starfskynningu á svæðisútvarpi Akureyrar þegar ég var um 14 ára gamall. Ég man ég las eitthvað sem karlarnir á útvarpsstöðinni hlustuðu á og voru ánægðir með, ætli það hafi ekki stigið mér til höfuðs líka. Það kannski minnir mann á hvað það er gaman þegar krakkar eru hvattir áfram, það skiptir miklu máli.“

core/image

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2023/10/Afhverju-ekki-ad-flytja-i-Borgarnes_2.jpg" alt="" class="wp-image-70430"/><figcaption>Friðrik Ómar mun halda jólatónleika sína í Hjálmakletti, húsnæði Menntaskóla Borgarfjarðar, fyrstu helgina í desember en hann segist mæta „all in“ á svæðið sem nýr íbúi í Borgarnesi. Ljósm. Hringbraut.</figcaption></figure>

Rigg ehf Rigg ehf var stofnað í kringum þátttöku Eurobandsins í Eurovision. ,,Við gáfum út plötu og ég hélt fyrstu Heiðurstónleika Vilhjálms Vilhjálmssonar það árið undir formerkjum Rigg. Ég keypti svo allt fyrirtækið árið 2009 og hef átt það einn síðan. Ég flutti til Svíþjóðar 2010-2011 en þegar ég kom heim byrjaði þetta tónleikaæði sem ég fór út í. Harpa opnaði 2011 og þá hélt ég Heiðurstónleika Freddie Mercury í Eldborg. Ég man að ég átti um 1.200 þúsund á bók sem ég eyddi öllu í auglýsingar en mér tókst að fylla fjóra tónleika á fyrsta degi. Það var mikið kikk, eins og maður segir. Við erum síðan þá búin að halda fullt af sýningum en þetta varð mín aðal tekjulind auk þess að ég gaf út plötur,“ segir Friðrik Ómar.

Hefur þú lært viðburðastjórnun eða eitthvað slíkt? ,,Nei ég hef ekki gert það. Þegar ég bý til viðburð bý ég ekki til Excel skjal, þá myndi ég hætta strax. Ég hef alltaf gert þetta út frá tilfinningunni, sem hefur í langflestum tilfellum gengið vel. Ef maður ætlaði að vera í þessu til að græða þá myndi maður bara hætta strax.“

Jólatónleikarnir í Borgarnesi Friðrik Ómar hefur undanfarin níu ár haldið jólatónleika sína Heima um jólin í Salnum í Kópavogi og í Hofi. Í ár ákvað hann að færa tónleikana á höfuðborgarsvæðinu í Silfurberg í Hörpu en þetta mun vera síðasta árið sem tónleikarnir verða haldnir. ,,Um leið og þetta er orðin mikil rútína þá langar mig líka að prófa að framkvæma nýjar hugmyndir. Mér finnst ég vera búinn að fá út úr þessu það sem ég get, en er auðvitað spenntur og þetta verður svakalega skemmtilegt í ár. Ég ákvað að færa tónleikana yfir í Hörpu en salurinn er helmingi stærri þar en í Kópavoginum svo ég ætlaði aðeins að minnka álagið. En svo eru tónleikarnir orðnir rosalega margir svo þetta er orðið stærra batterí en nokkru sinni fyrr, þetta verða alveg dúndur tónleikar.

Við ætlum svo að koma með tónleikana í Borgarnes í Hjálmaklett, húsnæði Menntaskóla Borgarfjarðar. Við ætlum að vera þar fyrstu helgina í desember og munum koma til með að púsla því sem hægt er og prófa svolítið öðruvísi hluti. Við verðum með smá upplifun þegar fólk kemur inn t.d. en ég verð með landslið söngvara með mér,“ segir Friðrik Ómar.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/10/Afhverju-ekki-ad-flytja-i-Borgarnes_3-1200x800.jpg" alt="" class="wp-image-70431"/><figcaption>Friðrik hlakkar til að fá vini og ættingja í kaffi í nýja húsið sitt í Borgarnesi: Tónlistarmaðurinn Jógvan Hansen er einn hans helsti vinur en Friðrik segir að Jógvan muni eiga hjá honum herbergi og að hann muni passa að eiga alltaf fyrir hann bjór. Ljósm. hsh.</figcaption></figure>

Áttunda sólóplatan væntanleg Í byrjun desember mun áttunda sólóplata Friðriks Ómars koma út en platan er sjálfstætt framhald af plötunni „Kveðja“ sem hann gaf út árið 2014. ,,Ég var einmitt að koma frá Kaupmannahöfn þar sem platan er framleidd en það verður hægt að kaupa hana á formi vínyls og geisladiskur fylgir með. Ég er búinn að vinna lengi að þessari plötu með Þóri Úlfarssyni tónlistarmanni en með mér syngja þeir Friðrik Dór og Pálmi Gunnarsson á plötunni.“

Til Borgarness Fimmtudaginn 12. október varð Friðrik formlega fasteignaeigandi í Borgarnesi en fær einbýlishúsið sitt afhent í byrjun næsta árs. ,,Það var ekki beint á plani að flytja í Borgarnes en vinir mínir segja mér að þetta sé ekki ólíkt mér, að gera svona. Ég er búinn að búa í Reykjavík í 20 ár núna og þar af 17 ár í miðbænum. Í grunninn er ég landsbyggðarmaður og mér finnst mig vanta stað til að kjarna mig. Vinnan er mjög félagsleg og þá er gott að hafa afdrep þar sem maður getur horft inn Borgarfjörðinn út um stofugluggann, það er eitthvað heillandi við þá tilhugsun. Svo verð ég með auka herbergi fyrir Jógvan Hansen vin minn sem á einmitt tengingu á Mýrarnar en hann er búinn að vera mín helsta klappstýra í þessu máli svo hann geti komið við hjá mér í kaffi, en hann fær sér samt sennilega bara bjór í öllum heimsóknum,“ segir Friðrik og hlær. ,,Svo er vinkona mín hún María Björk, sem er oft kennd við Söngvaborg, með annan fótinn í Helgafellssveit. Hún hefur hjálpað mér mikið við þetta og hvatt mig áfram í þessu. Ég fæ þá a.m.k. smá gegnumtrekk frá þeim tveimur vinum mínum.“

Breytingar eru góðar Hvernig er svo að sinna vinnunni þinni frá Borgarnesi? ,,Það er nefnilega góð spurning, ég held það sé ekkert ólíkt því að búa á Selfossi og sinna vinnunni í Reykjavík eins og margir gera. Miðað við hvernig höfuðborgin er að stækka hlýtur Borgarnes að vera næsti staðurinn sem fer að finna á jákvæðan hátt fyrir því. Það eru nokkrar leiðir út úr Reykjavík og ein þeirra er í átt að Borgarnesi,“ segir Friðrik glettinn. ,,Mín vinna felst mestmegnis í því að syngja við útfarir og skemmta um helgar, ég verð bara á góðum bíl og þetta er ekkert mál en ég hef aldrei sett það fyrir mig að keyra.

Mér finnst breytingar skemmtilegar, ég vil ekki vera fastur á einhverjum einum stað. Það er um að gera að prófa nýja hluti og ef það virkar ekki þá er það bara þannig. En ég hef einhvern veginn engar áhyggjur af þessu og mínir nánustu eru spenntir fyrir mína hönd og vita að þetta er gott fyrir mig. Ég skoðaði húsið oftar en einu sinni áður en ég gerði upp hug minn, það var svolítið magnað þegar ég fór að skoða umhverfið hvað bærinn er fallegur. Hann er svolítið eins og Blönduós hefur verið, fólk keyrir bara í gegn. Það verður æviverkefnið að reyna að hífa stemninguna upp á svæðinu og fyrir það. Ég stefni að sjálfsögðu á tónleikahald og mæti á svæðið ,,all in,“ eins og maður segir.

Það var mjög fyndið þegar ég var búinn að skoða húsið þá sá maður strax hvað samfélagið var lítið en þetta var búið að fréttast út um allt á einni sekúndu og ég var farinn að fá símhringingar frá fólkinu í kringum mig,“ segir Friðrik og hlær. ,,Það eru nokkrir sem spyrja mig hvort mig muni ekki hundleiðast þarna, en það verður bara að koma í ljós hvernig menningin og samfélagið er í Borgarnesi.“

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/10/Afhverju-ekki-ad-flytja-i-Borgarnes_4-1200x900.jpg" alt="" class="wp-image-70432"/><figcaption>Friðrik fór sem fulltrúi Íslands í Eurovision með Eurobandinu en stofnaði hann þá viðburða- og útgáfufyrirtækið Rigg sem hefur dafnað vel. Friðrik rekur Rigg enn í dag og á fyrirtækið einn.</figcaption></figure>

Fréttaveita Vesturlands

,,Af hverju ekki að flytja í Borgarnes?“