Þingflokkar ríkisstjórnarflokkanna funda í dag á Þingvöllum. Þar mun ekki verða rætt um væntanlegar breytingar á ríkisstjórninni í kjölfar þess að Bjarni Benediktsson sagði af sér embætti fjármála- og efnahagsráðherra fyrr í vikunni. Ræða á þingveturinn framundan. Hins vegar hefur verið boðað til ríkisráðsfundar klukkan 14 á morgun og þá mun skýrast hvaða breytingar verða gerðar á ríkisstjórninni. Formenn stjórnarflokkanna halda þétt að sér höndum og gefa ekkert uppi um það.