Frá því klukkan 23 í kvöld og til hádegis á morgun er í gildi gul viðvörun á Faxaflóasvæðinu. Það verður austan- og síðar norðaustan hvassviðri með vindhraða á bilinu 10-18 m/s, hvassast á sunnanverðu Snæfellsnesi. Búast má við talsverðri snjókomu á sunnanverðu svæðinu með takmörkuðu eða lélegu skyggni og versnandi akstursskilyrðum. Afmarkaðar samgöngutruflanir eru líklegar og fólki er bent á að sýna varkárni og fylgjast með veðurspám.