medium

large

thumbnail

1536x1536

2048x2048

small

custom-size

Bræla og strandveiðisjómenn í landi – myndasyrpa af fyrsta degi veiðanna

Eitt elsta verslunarhús landsins boðið til leigu

Garðhúsgögnum breytt í Ludo spil

Eyja Rún hlaut viðurkenningu

Blóð í Brekkó

Niðurrif í Brákarey hefst í dag

core/paragraph

Matarsóun á Íslandi jafngildir 160 kílóum á hvern íbúa á ári. Þetta sýna niðurstöður nýrra mælinga sem Umhverfisstofnun framkvæmdi. Tæpur helmingur allrar matarsóunar átti sér stað í frumframleiðslu matvæla, en um 40% á heimilum og hefur umhverfisráðuneytið nú falið Umhverfisstofnun að hefja framkvæmd tveggja mikilvægra aðgerða úr aðgerðaáætlun stjórnvalda sem nefnist einfaldlega; Minni matarsóun.

Mælingarnar eru þær fyrstu sem Umhverfisstofnun hefur framkvæmt á matarsóun í allri virðiskeðju matvæla og sem unnar eru eftir staðlaðri aðferðafræði Evrópuríkja. Síðastliðinn föstudag var alþjóðlegur dagur Sameinuðu þjóðanna gegn matarsóun. Ísland hefur sett sér markmið um að draga úr matarsóun, bæði sem hluti af aðgerðaáætlun í loftslagsmálum og sem hluta af framlagi landsins til heimsmarkmiða Sameinuðu þjóðanna.

Niðurstöður mælinga Umhverfisstofnunar sýna að matarsóun er fyrst og fremst í frumframleiðslu annars vegar og hins vegar á heimilum. Umfangsmikill sjávarútvegur skýrir að miklu leyti magnið frá frumframleiðslu, en almennt er nýting hráefnis við frumframleiðslu á Íslandi góð. Þá benda niðurstöður rannsóknarinnar til þess að matarsóun á heimilum hafi ekki aukist frá mælingum sem gerðar voru árin 2016 og 2019, heldur hafi hún nokkurn veginn staðið í stað. „Þegar horft er til sóunar í vinnslu og framleiðslu, smásölu og dreifingu og til matarþjónustugeirans er matarsóun á Íslandi undir meðaltali Evrópuríkja,“ segir í samantekt umhverfisráðuneytisins.

Aðgerðaáætlunin, Minni matarsóun, sem ýtt var úr vör haustið 2021 inniheldur 24 aðgerðir sem draga eiga úr matarsóun og stuðla að því að settum markmiðum Íslands um að minnka matarsóun um 30% fyrir árið 2025 og um 50% fyrir árið 2030 verði náð.

Fréttaveita Vesturlands

Matarsóun hér er á landi er einkum í sjávarútvegi og á heimilum fólks