Frumkvöðlar sem saman voru komnir á ráðstefnuna Nýsköpun í vestri, sem haldin var í Hjálmakletti í Borgarnesi í gær, fengu kynningu á Kviku, skapandi rými í Menntaskóla Borgarfjarðar. Voru það Bragi Þór Svavarsson skólameistari, Valdís Sigurjónsdóttir umsjónaraðili Kviku og Signý Óskarsdóttir sem sýndu Kviku og kynntu þá námsþróun sem Menntaskóli Borgarfjarðar hefur unnið að undanfarin ár. Óhætt er að segja að starfsemin hafi vakið athygli í röðum frumkvöðla og annarra gesta á ráðstefnunni.