medium

thumbnail

small

custom-size

Slökktu gróðureld við Selgil í Húsafelli

large

1536x1536

Tæki flutt úr kjallara upp í hlöðu Halldórsfjóss

Bjóða Árblik í Dölum til sölu

Ísak Birkir í landsliðshópnum í keilu

Húsaflutningar úr Reykjavík til Sykkishólms

Grænlenskur karlakór, Söngbræður og Smaladrengir með tónleika í kvöld

core/paragraph

Gengið hefur verið frá ráðningu Erlu Rúnar Guðmundsdóttur sem verkefnastjóra Rannsóknaseturs skapandi greina. Háskólinn á Bifröst heldur utan um starfsemi setursins sem er fjármagnað með framlagi frá menningar- og viðskiptaráðuneyti og háskóla-, iðnaðar-, og nýsköpunarráðuneyti. Rannsóknarstefna setursins verður byggð á skýrslunni Sköpunarkrafturinn - orkugjafi 21. aldar sem út kom í maí í vor. Setrið var sett á stofn í vor en meginmarkmið þess er að efla rannsóknir á atvinnulífi menningar og skapandi greina hér á landi. Stofnaðilar setursins eru auk Háskólans á Bifröst; Háskólinn á Akureyri, Listaháskóli Íslands, Háskólinn á Hólum og Háskóli Íslands.

Erla Rún er með meistarapróf í stjórnun og fjármálum menningar og skapandi greina frá Bocconi háskólanum í Mílanó og Viðskiptaháskólanum í Kaupmannahöfn. Hún hefur undanfarin fjögur ár starfað sem sérfræðingur hjá Hagstofu Íslands og haft þar veg og vanda að þróun menningarvísa og annarrar menningartölfræði. „Starf Erlu Rúnar felst í að móta rannsóknastefnu setursins með stjórn þess, sinna miðlun og samskiptum, kortleggja styrkumhverfi fyrir rannsóknir á þessu sviði, og koma á laggirnar ráðgjafahóp RSG,“ segir í tilkynningu.

Anna Hildur Hildibrandsdóttir fagstjóri skapandi greina við Háskólann á Bifröst og formaður stjórnar RSG fagnar ráðningunni og segir Erlu Rún rétta manneskju á réttum stað. „Erla Rún kemur eins og kölluð inn í þetta starf og mun leiða með okkur þróun á bæði akademískum og sérhæfðum þjónusturannsóknum. Hún hefur stýrt uppbyggingu á menningarvísum á Hagstofu Íslands og mun nú leiða það uppbyggingarstarf sem felst í að auka rannsóknavirkni á sviði menningar og skapandi greina á Íslandi. Starf hennar á Hagstofu Íslands undanfarin ár er ein af forsendum fyrir rannsóknum, samanburði og skilgreiningum á þessum vaxandi og kvika atvinnuvegi.“

Erla Rún ráðin verkefnastjóri Rannsóknaseturs skapandi greina