medium

large

thumbnail

1536x1536

small

custom-size

Tæki flutt úr kjallara upp í hlöðu Halldórsfjóss

Bjóða Árblik í Dölum til sölu

Ísak Birkir í landsliðshópnum í keilu

Húsaflutningar úr Reykjavík til Sykkishólms

Grænlenskur karlakór, Söngbræður og Smaladrengir með tónleika í kvöld

2048x2048

Svekkjandi tap Skagamanna í höllinni

core/heading

<h2>Rætt við Brynjar Kristmundsson um tímabilið í sumar</h2>

core/paragraph

Víkingur Ólafsvík varð í fimmta sæti í 2. deild karla í knattspyrnu í sumar með 38 stig, vann ellefu leiki, gerði fimm jafntefli og tapaði sex leikjum. Liðið var á sínu öðru ári í 2. deild en lék í fyrsta skipti í henni í fyrra síðan árið 2010 og endaði í sjöunda sæti. Brynjar Kristmundsson tók við liðinu af Guðjóni Þórðarsyni haustið 2022 eftir að hafa verið aðstoðarþjálfari liðsins síðustu þrjú ár á undan og var þetta fyrsta árið hans sem þjálfari meistaraflokks Víkings. Blaðamaður Skessuhorns heyrði í Brynjari í síðustu viku og rifjaði upp með honum að hann hefði sagt í viðtali við Skessuhorn í vor að markmið sumarsins væri að búa til hóp sem gæti barist í efra hluta deildarinnar. Þið byrjuðuð ágætlega, voruð með sjö stig eftir fyrstu þrjá leikina en síðan kom stór skellur á útivelli á móti ÍR. Hvað gerðist þar og hjálpaði þetta tap liðinu því næstu tvo leiki unnuð þið nokkuð örugglega?

Litum á þetta sem slys „Tapið gegn ÍR var mikið högg svona í „mómentinu“ en við ræddum það strax innanbúðar að láta þessa frammistöðu ekki skilgreina okkur. Litum á þetta sem slys sem við þyrftum að læra af. Viðbrögð strákanna við þessu tapi var stórkostleg og held ég að okkar heilsteyptasta frammistaða hafi komið í leiknum á eftir, gegn KFG í Garðabænum, sem við unnum 4-1.“

Eftir tapleik á móti KFA í næsta leik á eftir þá farið þið á flug og takið 13 stig af 15 mögulegum og eruð í toppsætinu um miðjan júlí þegar mótið er rétt hálfnað. Þetta hlýtur að hafa gefið ykkur byr undir báða vængi að þið ættuð möguleika á að komast upp í Lengjudeildina? „Við höfðum svo sem alltaf trú á því að við gætum farið upp. Sigurleikir geta gefið þér mikið meira en bara þrjú stig og á þessum kafla tímabilsins vorum við með mikið sjálfstraust og vorum að spila mjög góðan fótbolta.“

En síðan í framhaldinu tapið þið þremur leikjum í röð og gerið eitt jafntefli. Voru menn of hátt upp á þessum tímapunkti eða hvað var í gangi? „Ég held að fæturnir hafi alltaf verið á jörðinni hjá okkur. Á þessum kafla förum við í þrjár ferðir norður á níu dögum og eðlilega situr það í mönnum þegar í leikinn er komið. Tvö af þessum þremur töpum voru gegn Dalvík og ÍR, liðunum sem enduðu á því að fara upp og svo gegn Völsungi á Mærudögum sem er alltaf hrikalega erfiður leikur.“

core/image

<figure class="wp-block-image size-large"><img src="https://umsjon.skessuhorn.is/wp-content/uploads/2023/09/Vonandi-getum-vid-tekid-naesta-skref1-1200x1800.jpg" alt="" class="wp-image-69756" /><figcaption> Brynjar Kristmundsson þjálfari Víkings í Ólafsvík. Ljósm. af</figcaption></figure>

Áttum ekkert meira skilið Í síðustu leikjunum í deildinni vinnið þið þrjá leiki, gerið tvö jafntefli og tapið einum leik. Þegar upp er staðið þá voruð þið aðeins fjórum stigum frá því að komast upp og eftir situr jafntefli gegn fallliði Sindra og tap gegn Þrótti Vogum. Voru þetta ekki svekkjandi töpuð stig þegar þú lítur yfir tímabilið í heild? „Jú, það er svo sem alltaf svekkjandi að tapa stigum. Á þessum lokakafla vorum við einfaldalega ekki nógu sannfærandi. Frammistaðan í þessum tveimur leikjum var ekki nógu góð og áttum við ekkert meira skilið úr þessum leikjum en við fengum.

Undanfarin ár hafa margir útlendingar spilað með Víkingi og með liðinu í sumar voru átta útlendingar sem flestir spiluðu um og yfir tíu leiki.  Hvernig hefur þessum leikmönnum gengið að aðlagast lífinu fyrir vestan? „Þessir strákar hafa komið virkilega vel inn í samfélagið okkar. Ég lít alltaf á fótboltamenn sem fótboltamenn, sama frá hvaða landi eða bæjarfélagi þeir eru. Ef þeir eru tilbúnir að leggja á sig fyrir félagið og til samfélagsins þá er mér alveg sama hvaðan leikmennirnir koma. Þeir sem voru hjá okkur í sumar stóðu sig virkilega vel. Emmanuel Eli Keke hefur verið hjá okkur í fimm ár og er byrjaður að læra íslensku. Anel Crnac og Asmer Begic eru kannski með erlend nöfn en þeir fæddust og ólust upp hér í Ólafsvík.“

<figure class="wp-block-image size-large"><img src="https://umsjon.skessuhorn.is/wp-content/uploads/2023/09/Vonandi-getum-vid-tekid-naesta-skref3-1200x800.jpg" alt="" class="wp-image-69757" /><figcaption>Mikael Hrafn Helgason að skora úr víti á móti Sindra í sumar.</figcaption></figure>

Hefði viljað sjá fleiri mæta á völlinn Í ár varð mikil breyting á gengi liðsins á heimavelli þar sem þið unnuð átta leiki, gerðuð tvö jafntefli og töpuðuð aðeins einum miðað við það að þið unnuð aðeins fjóra leiki í fyrra og töpuðuð fjórum. Var meiri stuðningur en í fyrra á vellinum eða eru menn jafnt og þétt að venjast því að spila á gervigrasi? „Ég held að orkan sem fylgdi því að spila á Ólafsvíkurvelli hafi ekki farið með náttúrulega grasinu. Góðir leikmenn og karakterar gera heimavöllinn að sínum eigin, það er það sem hefur vantað undanfarin ár að mínu mati, betri leikmenn og karaktera. Strákarnir sýndu það í sumar hvað þeir eru góðir í fótbolta og jókst stuðningurinn eftir því þó maður hefði klárlega viljað sjá fleiri mæta á völlinn.“

Brynjar segir að heilt yfir sé hann nokkuð sáttur við gengi liðsins í sumar. „En maður er auðvitað svekktur yfir því að hafa ekki náð að halda þetta lengur út. Þegar þú ert á toppnum þegar mótið er hálfnað að þá setur maður sér að sjálfsögðu markmið að vera á sama stað í lok móts. En þetta er klárlega tímabil sem við getum byggt á.“

Fengu margir ungir leikmenn að spreyta sig í sumar og hvernig er efniviðurinn fyrir vestan? „Efnviðurinn hér fyrir vestan er í góðum málum. Við vorum með í okkar hópi tvo stráka á 3. flokks aldri og þrjá stráka á 2. flokks aldri sem náðu að spila í sumar. Auðvitað &nbsp;spiluðu þeir mismikið en ef þeir halda áfram að leggja hart að sér þá geta þeir spilað stórt hlutverk fyrir félagið og verið fyrirmyndir fyrir yngri iðkendur sem geta sett sér það markmið að spila fyrir meistaraflokk félagsins.“

Nú gerðir þú samning til tveggja ára. Hvernig sérðu fyrir þér næsta tímabil og hver er stefnan? „Ég tel að við höfum byggt upp góðan grunn í ár til þess að byggja ofan á næsta tímabil. Ég ætla mér að búa til hörku lið á næsta ári, bæta þá leikmenn sem eru nú til staðar og styrkja hópinn og vonandi getum við tekið næsta skref og hótað Lengjudeildarsæti enn frekar,“ segir Brynjar Kristmundsson þjálfari Víkings að endingu.

Fréttaveita Vesturlands

„Vonandi getum við tekið næsta skref“