medium

large

thumbnail

1536x1536

small

custom-size

Sóttu vélarvana bát á Faxaflóa

Innkalla kjúkling vegna gruns um salmonellu

Púlsinn tekin á nokkrum ferðaþjónustufyrirtækjum á Vesturlandi

2048x2048

Tveir styrkir úr Framkvæmdasjóði ferðamannastaða – leiðrétt frétt

Fara í Míluna á hverjum degi

Héldu allsherjar brunaæfingu í FVA

core/paragraph

Dómsmálaráðherra og forstjóri Fangelsismálastofnunar héldu fyrr í vikunni blaðamannafund á Litla Hrauni þar sem kynntar voru stórtækar umbætur í fangelsismálum, með uppbyggingu nýs fangelsis, fjölgun rýma á Sogni og endurskoðun fullnustulaga. „Ítarleg skoðun og greining á aðstöðu á Litla-Hrauni er að baki og er niðurstaðan sú að nauðsynlegt er að ráðast í byggingu nýs fangelsis, sem koma á í staðinn fyrir þá aðstöðu sem nú er á Litla-Hrauni. Hafinn verður undirbúningur að þeirri framkvæmd strax,“ sagði Guðrún Hafsteinsdóttir dómsmálaráðherra. Lauslega er áætlað að bygging nýs fangelsins á Litla-Hrauni kosti ríkissjóð um sjö milljarða króna. Við uppbyggingu nýs fangelsis verður byggt á nútímaþekkingu á sviði betrunar og öryggismála, með hagsmuni fanga, starfsmanna og fjölskyldna fanga í huga. Mikil áhersla verður lögð á bætt öryggi, ekki síst fanga og starfsfólks fangelsa en jafnframt á bættan aðbúnað heimsóknargesta, þar sem gætt verður sérstaklega að þörfum barna.

Í máli Páls Winkel fangelsismálastjóri kom fram að fyrirhugaðar umbætur væru þær stærstu í sögu íslenskrar fullnustu. Fangelsið á Litla Hraun hefði upphaflega átt að vera sjúkrahús og uppbygging þar hefði einkennst af bútasaumi sem svaraði ekki kalli um nútímalega fullnustu og betrun fanga.

Fjölgað verður opnum rýmum í fangelsinu á Sogni, þar sem 14 ný rými verða tekin í notkun á næstu mánuðum en fyrir er 21 rými. Nemur kostnaður við þá uppbyggingu um 350 m.kr. „Með þessu er meðal annars verið að bregðast við ábendingum frá Umboðsmanni Alþingis en nýlegri skýrslu kom fram að staða kvenna í íslenskum fangelsum væri lakari en staða karla. Með breytingum á Sogni er verið að bæta stöðu kvenna í fangelsum og auka möguleika þeirra á að taka út vistun sína í viðeigandi aðstæðum.

Samhliða umbótum á innviðum fangelsiskerfisins verður farið í endurskoðun fullnustulaga með áherslu á betrun og nútímalega nálgun. Þá er umrædd endurskoðun tímabær í ljósi reynslu síðustu ára og aðfinnslna eftirlitsstofnana þingsins og alþjóðlegra eftirlitsstofnana.

Fréttaveita Vesturlands

Stefnt verður að byggingu nýs fangelsis á Litla-Hrauni