medium

large

thumbnail

1536x1536

2048x2048

small

custom-size

Gerði upp yfir sextíu ára gamlan árabát

Nýir upplýsingaskjáir í Íþróttamiðstöðinni komnir upp

Dagbók úr Baltimore sveit

Mikið fjör á öldungamóti í blaki

Margrét Halldóra ráðin nýr leikskólastjóri á Klettaborg

„Alls enginn skrekkur í okkur“

core/paragraph

Á laugardaginn gengu íbúar í Helgafellssveit á Snæfellsnesi að kjörborðinu í félagsheimilinu Skildi, en þá fór fram síðari kjörfundur vegna kosningar í dreifbýlisráð Sveitarfélagsins Stykkishólms. Fyrri kjörfundurinn var 9. september. Kosningarrétt höfðu íbúar innan sveitarfélagamarka Helgafellssveitar eins og þeim er lýst á sveitarfélagakorti Landmælinga Íslands frá 2014 og íbúar með búsetu í Ögri. Kjörgengur í dreifbýlisráð var hver sá sem hefur skráð lögheimili í þeim hluta sveitarfélagsins sem lýst er hér að framan.

Úrslit úr kosningum í dreifbýlisráð voru þau að aðalmenn verða Lára Björg Björgvinsdóttir og Álfgeir Marinósson en varamenn Guðrún K. Reynisdóttir og Guðmundur Hjartarson. Áður hafði Stykkishólmsbær upplýst að Ragnar Ingi Sigurðsson verður fulltrúi bæjarstjórnar í dreifbýlisráði.

Í aðdraganda sameiningar Stykkishólmsbæjar og Helgafellssveitar lagði samstarfsnefnd til að sett yrði á fót sérstakt dreifbýlisráð til tryggja áhrif íbúa í dreifbýli á stjórnsýslu sameinaðs sveitarfélags og koma til móts við framkomnar áhyggjur íbúa svæðisins. Dreifbýlisráð skal skipað annars vegar einum fulltrúa og öðrum til vara kjörnum af sveitarstjórn og skulu þeir vera aðalfulltrúar í sveitarstjórn og hins vegar tveimur fulltrúum og tveimur til vara kosnum í beinni kosningu af íbúum í dreifbýlinu.

Fulltrúar úr Helgafellssveit kosnir í dreifbýlisráð