medium

large

thumbnail

small

custom-size

Skipuleggja glerblásturshátíð á Hellissandi

1536x1536

Lokaárið í bili á vettvangi í Ólafsdal

2048x2048

Veðrið fram á sumar

Félagsskapurinn og löngunin til að æfa hefur fylgt krökkunum

Heimsmeistaramótið í ruslakarli fór fram í Grundarfirði

Grunnskóli Snæfellsbæjar símalaus skóli í þrjú ár

core/paragraph

Reykjavíkurborg hefur nú auglýst fyrirhugaðar breytingar á aðalskipulagi Reykjavíkur 2040 vegna væntanlegrar Sundabrautar. Vegurinn er stofnbraut og nýr þjóðvegur í Reykjavík, en mun eins og kunnugt er tengjast Vesturlandsvegi um Kjalarnes og því verður hann mikilvæg samgöngubót fyrir alla íbúa norðan Kollafjarðar, þ.m.t. íbúa Vesturlands, Vestfjarða og Norðurlands. Borgarstjórn Reykjavíkur samþykkti 14. september sl. verkefnalýsingu vegna fyrirhugaðra breytinga á aðalskipulagi vegna legu og útfærslu áformaðrar Sundabrautar. Jafnhliða því er lögð fram áætlun um hvernig standa skuli að umhverfismati breytinganna. Breytingartillögur og umhverfismat þeirra verða mótaðar og kynntar til umsagnar samhliða mati á umhverfisáhrifum framkvæmdarinnar. Óskað er eftir því að athugasemdum verði komið á framfæri í Skipulagsgátt fyrir 19. október nk.

Þjóðvegur milli Sundahafnar og Kjalarness hefur verið á hugmyndastigi í bráðum hálfa öld, en vegna kostnaðar og umfangs verksins hefur sífellt dregist að hefjast handa. Nú hillir undir að verkefnið verði loks að veruleika. Til marks um það réði Vegagerðin verkefnastjóri í sumar til að halda utan um undirbúning og er það fyrsti formlegi starfsmaður verkefnisins frá upphafi.

Í bókun sem meirihlutafulltrúar í Borgarstjórn Reykjavíkur lögðu fram við afgreiðslu málsins 14. september segir m.a: „Með samkomulagi Reykjavíkurborgar og samgönguráðherra árið 2021 komst Sundabrautarmálið í traustan og góðan farveg. Ljóst er að með verklýsingu skipulagsgerðar og umhverfismats næst mikilvægur áfangi í framgangi verkefnisins.“ Í upphaflegri áætlun um verkefnið kom fram að byrjað yrði á framkvæmdum 2026 og þeim lokið fljótlega á næsta áratug.

Borgin auglýsir breytingu á aðalskipulagi vegna Sundabrautar