medium

large

thumbnail

1536x1536

small

custom-size

Blóð í Brekkó

2048x2048

Niðurrif í Brákarey hefst í dag

Kiwanis gefur fyrstu bekkingum reiðhjólahjálma

Séra Karen ráðin sóknarprestur í Setbergsprestakalli

Sérstakir styrkir veittir til kaupa á nytjahjólum

Viðbrögðin hafa verið jákvæð

core/paragraph

Fimmtíu og átta púttarar frá Reykjanesbæ, Kópavogi, Akranesi, Ísafirði, Hvammstanga og heimafólk mættu til leiks í Septemberpútti að Hamri í Borgarnesi 14. september sl. Mótið fer árlega fram annan fimmtudag í september. Er þetta í þriðja sinn sem mótið er haldið. Svo skemmtilega hefur viljað til að þá er alltaf blíðskapar veður. Veðurguðinn brást ekki heldur í þetta skiptið. Einn Reyknesingurinn hafði orð á því að mótshaldarar hefðu einstakt samband við æðri máttarvöld.

Mótið er eina púttmótið sem er aldursflokkaskipt enda sækjast eldri púttarar eftir því að taka þátt í því. Í flokki kvenna 80 ára og eldri sigraði Hafdís Jóhannesdóttir Pútt Suð á 68 höggum. Önnur var Gunnþórunn Gunnarsdóttir Pútt Suð á 69 höggum og Sigríður Ketilsdóttir Feban varð þriðja á 70 höggum. Í sama flokki karla vann Guðbrandur Valtýsson Pútt Suð með 64 höggum. Elías Sveinsson Kubba Ísafirði varð annar á 67 höggum og Sveinn Hallgrímsson Pútt Hamar þriðji einnnig á 67 höggum.

core/image

Guðrún Helga Andrésdóttir Pútt Hamar varð hlutskörpust í flokki kvenna 70-79 ára á 65 höggum. Önnur varð Katrín R. Björnsdóttir Pútt Hamar með 68 högg og Erna Árnadóttir Pútt Suð þriðja með 70 högg. Í karlaflokki varð Stefán Bjarkason Pútt Suð hlutskarpastur með 64 högg. Ingimundur Ingimundarson Pútt Hamar varð annar á sama höggafjölda og Þorsteinn Geirharðsson Pútt Suð þriðji á 65 höggum.

Í flokki 60-69 ára vann Guðrún Birna Haraldsdóttir Pútt Hamar með 67 höggum og Rannveig Finnsdóttir pútt Hamar varð önnur með 70 högg. Í sama flokki karla vann Steinn Mar Helgason Feban á 70 höggum og Páll Sigurðsson Hvammstanga varð annar með 75 högg.

Aldursforsetum mótsins voru afhentar viðurkenningar fyrir dugnaðinn að sækja mótið. Það voru Svana Svanþórsdóttir Nesklúbbnum og Hafdís Jóhannesdóttir Pútt Suð sem verða 89 ára á þessu ári og Jón Þór Jóhannesson Pútt Hamar sem er ári yngri en þær. Næsta Septemberpútt fer fram 12. september 2024 og þess er vænst að enn fleiri þátttakendur mæti þá til leiks.

Fréttaveita Vesturlands

Septemberpútt í blíðskapar veðri