medium

large

thumbnail

1536x1536

small

custom-size

Lokaárið í bili á vettvangi í Ólafsdal

2048x2048

Veðrið fram á sumar

Félagsskapurinn og löngunin til að æfa hefur fylgt krökkunum

Heimsmeistaramótið í ruslakarli fór fram í Grundarfirði

Grunnskóli Snæfellsbæjar símalaus skóli í þrjú ár

Gáfu efni og vinnu í Nýrækt

core/paragraph

Umhverfis-, orku- og loftslagsráðuneytið hefur birt í Samráðsgátt stjórnvalda drög að frumvarpi vegna sameiningar Náttúrufræðistofnunar Íslands, Landmælinga Íslands og Náttúrurannsóknastöðvarinnar við Mývatn (RAMÝ). „Gert er ráð fyrir að sameiningin styrki og einfaldi starfsemina og stuðli að frekari þekkingaruppbyggingu og nýsköpun, sem og eflingu starfsstöðva á landsbyggðinni. Um er að ræða hluta af áformum um endurskipulagningu stofnana ráðuneytisins þar sem gert er ráð fyrir að til verði þrjár öflugar stofnanir í stað átta,“ segir í tilkynningu.

Frumvarpið mun fela í sér breytingu á lögum um Náttúrufræðistofnun Íslands og náttúrustofur, þar sem gert er ráð fyrir að Náttúrufræðistofnun yfirtaki réttindi og skyldur Landmælinga Íslands og RAMÝ. Gert er ráð fyrir að við sameininguna verði starfsfólk Landmælinga og RAMÝ hluti af hinni sameinuðu stofnun og er jafnframt lagt til að heiti stofnunarinnar verði framvegis Náttúrufræðistofnun í stað Náttúrufræðistofnunar Íslands.

Með sameiningunni eru ekki lagðar til breytingar á lögbundnum verkefnum umræddra stofnana, heldur eru eingöngu lagðar til lagabreytingar sem þörf er á til samræmis vegna sameiningarinnar. Verði sameiningin að veruleika mun fjöldi starfsfólks í sameinaðri stofnun verða alls 72, sem áfram starfi á núverandi starfsstöðvum stofnananna í Garðabæ, Akranesi, Akureyri, Mývatni og Breiðdalsvík. Gert er ráð fyrir að Náttúrufræðistofnun taki 1. janúar 2024 við hlutverki, verkefnum, réttindum og skyldum, eignum og skuldbindingum Landmælinga Íslands og Náttúrurannsóknastöðvarinnar við Mývatn. Umsagnarfrestur um frumvarpið er til 2. október nk.

Frumvarp um sameiningu þriggja stofnana