medium

large

thumbnail

1536x1536

2048x2048

small

custom-size

Ég er eins manns deild – segir gagnavörðurinn Benedikt

Vantar svörun frá Snæfellsnesi við þjónustukönnun Byggðastofnunar

Bæjarstjórn staðfestir breytingu deiliskipulags Smiðjuvalla 12-22

Fimm fyrirtæki í alútboði um byggingu knatthúss

Konur fyrir konur – Öflugur félagsskapur Vesturlandsdeildar FKA

Vill reka kaffisölu í Stúkuhúsinu

core/paragraph

Fimmta samsýning Vatnslitafélags Íslands verður opnuð í Hallsteinssal í Safnahúsi Borgarfjarðar í Borgarnesi næstkomandi laugardag klukkan 14 og verður opin í fjórar vikur á opnunartíma safnist, eða til 21. október. Sýningin hefur hlotið nafnið Blæbrigði en á henni má finna verk eftir 45 vatnslitamálara. „Okkur sem eru í stjórn félagsins fannst kominn tími til að samsýningin yrði haldin utan höfuðborgarsvæðisins þar sem félagið er landsfélag og gripum því fegins hendi boð um að sýna í Hallsteinssal,“ segir Svanheiður Ingimundardóttir í Borgarnesi sem á sæti í stjórn Vatnslitafélags Íslands. Í opnunarhófinu munu þau Gunnar Ringsted og Steinunn Pálsdóttir leika ljúfa tónlist á gítara á meðan sýningargestir skoða verkin á veggjunum. Gunnar og Steinunn eru bæði kennarar við Tónlistarskóla Borgarfjarðar.

Vatnslitafélag Íslands var stofnað í febrúar 2019. Eins og nafnið gefur til kynna, er félagið opið öllum sem stunda vatnslitamálun. Félagar eru nú 240 talsins á aldrinum 29 til 97 ára og eru ýmist atvinnumenn eða áhugamenn í listinni. Tilgangur félagsins er að efla stöðu vatnslitamálunar og stuðla að samvinnu félagsmanna á því sviði.

Í mars á þessu ári var auglýst eftir myndum meðal félagsmanna Vatnslitafélags Íslands fyrir samsýningu ársins. Hver félagsmaður mátti senda inn ljósmyndir af 1-3 verkum. Alls bárust 168 myndir frá 63 félagsmönnum sem þýðir að flestir sem sendu inn myndir sendu þrjú verk. Óháð dómnefnd fékk myndirnar sendar án höfundarnafna og var þeim raðað af handahófi. Sýningarnefndin fól þeim að velja 60 verk með þemað að leiðarljósi en líka með það að markmiði að verkin mynduðu góða heild og að þau sýndu vel þá fjölbreytni sem vatnsleysanleg efni á pappír geta kallað fram. Eins og fyrr segir eiga 45 vatnslitamálarar verk á sýningunni.

Vatnslitasýningin Blæbrigði opnuð á laugardaginn í Safnahúsi Borgarfjarðar