medium

large

thumbnail

1536x1536

2048x2048

small

custom-size

Norðvesturkjörkjördæmi missir einn þingmann til Kragans

Kosið verður í fjögur efstu sæti á lista Sjálfstæðisflokksins – breytinga að vænta

Raðhús rísa í Reykhólahreppi

Skallagrímur semur við nýjan leikmann

Starfstengd námslína verður tekin upp í FVA eftir áramót

„Þörfin fyrir fjölda liðskiptaaðgerða verður áfram mikil“

core/paragraph

Á fundi sveitarstjórnar Dalabyggðar síðastliðinn fimmtudag var samþykkt ályktun varðandi göngu eldislaxa í laxveiðiár, en eins og kunnugt er hafa veiðst eldislaxar í ám í sýslunni sem sloppið hafa úr sjókvíum við Vestfirði.

„Sveitarstjórn Dalabyggðar lýsir yfir þungum áhyggjum af þeirri staðreynd að nú séu að veiðast eldislaxar í ám í sveitarfélaginu líkt og reyndin er víða í nágranna héruðum. Íslenski laxastofninn, hreinleiki hans og orðspor er dýrmætt vörumerki sem mikilvægt er að standa vörð um. Í Dalabyggð eru einstakar laxveiðiár og sumar þeirra með þekktustu laxveiðiám landsins. Árnar og sú atvinna og tekjur sem þeim tengist og eru okkur í Dalabyggð dýrmætar.“

Þá segir í ályktun sveitarstjórnar að atvinnuuppbygging af ýmsu tagi sé mjög mikilvæg fyrir landsbyggðina en leikreglur verði að vera skýrar og þannig að sé ekki farið að settum lögum og reglum séu viðurlög sem skipta máli og þannig verði hvatinn meiri til að halda vel á málum. Eftirlit verði að vera með þeim hætti að öðrum búgreinum og atvinnuuppbyggingu stafi ekki hætta af né heldur umhverfi og lífríki. „Sveitarstjórn Dalabyggðar skorar á stjórnvöld að grípa nú þegar í taumana og setja skýrar reglur um fiskeldi og viðurlög því tengdu þannig að umhverfinu stafi ekki ógn af í framtíðinni. Mikilvægt er að atvinnulíf geti blómstrað um land allt án þess að lifa í ótta við slys líkt og þau sem hafa átt sér stað á undanförnum vikum tengd laxeldi.“

Vilja að stjórnvöld grípi í taumana og setji skýrari reglur um fiskeldi