medium

large

thumbnail

1536x1536

small

custom-size

Sóttu vélarvana bát á Faxaflóa

Innkalla kjúkling vegna gruns um salmonellu

Púlsinn tekin á nokkrum ferðaþjónustufyrirtækjum á Vesturlandi

2048x2048

Tveir styrkir úr Framkvæmdasjóði ferðamannastaða – leiðrétt frétt

Fara í Míluna á hverjum degi

Héldu allsherjar brunaæfingu í FVA

core/paragraph

Kári og Magni mættust í lokaumferð 3. deildar karla í knattspyrnu á föstudaginn og var viðureignin í Akraneshöllinni. Það var mikil orka í leikmönnum í fyrri hálfleik, heimamenn í Kára voru þó með yfirhöndina og áttu nokkur færi sem þeim tókst ekki að nýta. Fyrsta mark leiksins kom sex mínútum fyrir hálfleik eftir frábæra sókn Kára þegar Helgi Rafn Bergþórsson fékk boltann fyrir utan teig og átti skot sem hafnaði í netinu. Staðan í hálfleik 1-0 fyrir Kára og enginn vafi á því að Káramenn ætluðu að enda tímabilið vel.

Í seinni hálfleik var meira jafnræði með liðunum en Káramenn alltaf líklegri. Það var síðan fyrirliðinn Sverrir Mar Smárason sem tryggði sigur sinna manna þegar hann skoraði annað mark Kára tæpu korteri fyrir leikslok. Eftir hornspyrnu var boltanum sparkað í burtu úr vítateignum og síðan kom fyrirgjöf þar sem Sverrir Mar kláraði færið sitt vel. Eftir markið fjaraði leikurinn út og lauk með sigri Kára, 2-0. Flottur leikur hjá heimamönnum og alltaf jákvætt að enda tímabilið með sigri.

Kári endaði í fimmta sæti deildarinnar með 32 stig, vann níu leiki, gerði fimm jafntefli og tapaði átta leikjum. Reynir Sandgerði og Kormákur/Hvöt fóru upp í 2. deild og KFS og Ýmir féllu niður í fjórðu deildina. Markatala Kára var 38:36 og markahæstur var Guðfinnur Þór Leósson með átta mörk, Fylkir Jóhannsson og Marinó Hilmar Ásgeirsson skoruðu fjögur mörk hvor og þeir Hilmar Elís Hilmarsson, Hilmar Halldórsson og Marteinn Theodórsson þrjú mörk hver. Þjálfarar Kára á tímabilinu voru þeir Aron Ýmir Pétursson og Andri Júlíusson.

Kári með sigur á Magna í síðasta leik sumarsins