medium

large

thumbnail

1536x1536

2048x2048

small

custom-size

ÍATV getur ekki lengur streymt leikjum kvennaliðs ÍA

Hildur SH fékk veiðarfærin í skrúfuna

Samtökin Sól til framtíðar formlega stofnuð

Héldu samráðsfund Öruggara Vesturlands í Borgarnesi

Ráðgjafi VÍS nú til staðar í útibúi Íslandsbanka á Akranesi

Jörð skalf undir Grjótárvatni snemma í morgun

core/heading

<h2>Heilsað upp á skólastjóra Grunnskólans í Borgarnesi</h2>

core/paragraph

Kristín Einarsdóttir er starfandi skólastjóri í Grunnskólanum í Borgarnesi í forföllum Júlíu Guðjónsdóttur skólastjóra, sem er í tímabundnu leyfi, en Kristín hefur undanfarin níu ár verið aðstoðarskólastjóri. Blaðamaður Skessuhorns kíkti í heimsókn í skólann á dögunum og hitti Kristínu að máli. Nemendur í skólanum eru alls 323 og meðalstærð í hverjum árgangi er rúmlega 30 nemendur. Kennarar skólans eru í kringum 35, þrír þroskaþjálfar starfa við skólann og stuðningsfulltrúar eru alls sjö talsins. Nemendur skólans koma aðallega úr Borgarnesi eða níu af hverjum tíu og einhverjir vestan að Mýrum og úr uppsveitum.

Vantar ófaglært fólk í skólann Blaðamaður sest niður með starfandi skólastjóra og spyr hana fyrst hvernig henni líki við starfið? Kristín segir að henni líki það vel, það sé fjölbreytt og alltaf nóg að gera. „Undanfarin ár höfum við verið að endurgera skólann, það var byggður nýr matsalur og við vorum að endurskipuleggja list- og verkgreinastofurnar og einnig yngsta stigið. En með þessum breytingum stækkaði skólinn ekki neitt og það fjölgaði ekki kennslustofum. Það má í raun segja að skólinn sé sprunginn, það er bara þannig.“ En hvernig gengur skólastarfið? „Það hefur farið mjög vel af stað, við erum vel mönnuð og erum með réttindafólk eða meistaranema í öllum stöðum. Þannig að við erum mjög vel sett og höfum verið það undanfarin ár. Við vorum ekki í neinum vandræðum með að ráða inn í vor, það var mikil aðsókn í flest störf svo við þurftum að velja úr. Það hefur verið meiri áskorun hjá okkur að fá ófaglært fólk í skólann eins og stuðningsfulltrúa og í frístundina. Hver ástæðan er veit ég ekki en ég velti því fyrir mér hvort atvinnuástandið í Borgarbyggð sé svona gott að það sé erfitt að fá fólk. Launin eru kannski ekki nógu há og það er mikið álag í þessu, það er eflaust margt sem spilar inn í.“

Kristín er gift Hauki Valssyni, þau eiga þrjú börn sem öll eru uppkomin en tvö af þeim búa í Borgarnesi. Kristín er upprunalega af Barðaströndinni og bjó lengi fyrir vestan en flutti ásamt fjölskyldunni í Borgarnes með einu stoppi í Hafnarfirði. Síðan komu þau hingað aftur og Kristín fór að kenna við grunnskólann og varð fljótlega deildarstjóri. Hún ákvað í kjölfarið að ná sér í meiri menntun og þegar hún lauk við diplómu í stjórnun menntastofnana tók hún við sem aðstoðarskólastjóri af Hilmari Má Arasyni árið 2014. <a></a>

Hvernig er bekkjaskiptingin í skólanum? „Við erum með þetta á þremur grunnskólastigum og erum með yngsta stig sem er 1.-4. bekkur, miðstig sem er 5.-7. bekkur og  svo unglingastig sem er 8.-10. bekkur og eru þau á mismunandi stöðum í skólanum. Deildarstjóri er yfir hverju stigi og eru nemendur um og yfir hundrað á hverju stigi. Við erum með tvo kennara í hverjum árgangi og við gefum okkur út fyrir að vera teymiskennsluskóli. Kennarar vinna saman í teymum og hafa báðir kennarar yfir öllum börnum að sjá og bera ábyrgð á þeim.“

core/image

<figure class="wp-block-image size-large"><img src="https://umsjon.skessuhorn.is/wp-content/uploads/2023/09/THad-er-hlytt-andrumsloft-her-inni2-1200x900.jpg" alt="" class="wp-image-69186" /><figcaption>Grunnskólinn er staðsettur á Gunnlaugsgötu 13.</figcaption></figure>

Búbblan vinsæl Kristín segir að þau séu alltaf að gefa því meiri gaum hvernig nemendunum líður í skólanum og liður í því er herbergi sem kallast Búbbla. „Þar eiga allir bekkir fastan vikulegan tíma þar sem þeir geta komið og farið í slökun og fengið aðhlynningu á sálinni. Nemendur koma í litlum hópum og hvíla bæði líkama og huga á meðan þeir fá þjálfun í öndunar- og hugaræfingum undir róandi slökunartónum. Einnig er boðið upp á einstaklingsviðtöl þar sem athyglin er á líðan, styrkleika, markmið og gildi. Við höfum einnig farið í samstarf við það sem heitir Okkar heimur en það er geðræktarverkefni þar sem sjónum er beint að börnum sem eiga foreldra með geðræn vandamál. Verkefni sem er að byrja núna er svo kallað Leiðsagnarnám þar sem allir kennarar skólans og stuðningsfulltrúar eru í námi á Háskólanum á Akureyri. Það byggir á því að efla nemandann sem námsmann og hann taki meiri ábyrgð, þetta er svona öðruvísi skipulag sem þau eru að læra og fara inn í. Þannig að við erum alltaf að reyna að bæta okkur og gera skólann enn betri,“ segir Kristín.

Boðið upp á Smiðjuhelgar Hvernig gengur svona venjulegur dagur fyrir sig í skólanum? „Skólinn opnar klukkan átta og þá koma nemendur í skólann. Þeir geta komið og fengið sér morgunmat ef þeir vilja, svo fara allir í sínar stofur. Svo eru þau í ávaxtastund milli klukkan níu og tíu, það fer eftir því á hvaða stigi þau eru. Þeim eru færðir ávextir inn í stofurnar, síðan taka við kennslustundir og svo er hádegismatur frá kl. 11-12:30 þar sem nemendur koma á mismunandi tímum. Yngsta stigið er búið klukkan 13 og þá fara margir af þeim í frístundina. Því miður hefur ekki tekist að manna frístundina að fullu þannig að það er bara í boði fyrir fyrsta og annan bekk núna en hún á að vera í boði fyrir þriðja og fjórða bekk einnig. Síðustu nemendur skólans fara síðan úr honum klukkan 14:20 sem eru nemendur á unglingastigi.“

Kristín segir það þannig á unglingastiginu að boðið er upp á það sem er kallað Smiðjuhelgar en þá eru tvær helgar teknar yfir veturinn á haustönn og á vorönn og þá eru þau í námi um helgi. „Með því móti fáum við fjölbreyttara val en við gætum annars boðið upp á. Við söfnum saman kennslustundum í raun og veru til að eiga fyrir þessum helgum. Í stað 37 vikulegra kennslustunda, eins og vera ber, þá eru þau aðeins með 36 kennslustundir í stundatöflu svo við eigum inni uppsafnaðar kennslustundir sem við nýtum þessar tvær helgar. Þarna er alls konar í boði eins og dans, rafíþróttir og ýmislegt annað. Við leyfum þeim að hafa áhrif í valinu, þau koma með hugmyndir og við reynum að láta þær verða að veruleika.“

<figure class="wp-block-image size-large"><img src="https://umsjon.skessuhorn.is/wp-content/uploads/2023/09/THad-er-hlytt-andrumsloft-her-inni3-1200x900.jpg" alt="" class="wp-image-69187" /><figcaption>Búbblan er vinsæl hjá nemendum skólans.</figcaption></figure>

Stundataflan þétt setin Nú hafa verið hugmyndir í Borgarbyggð að byggja nýtt íþróttahús, hvernig er aðstaðan hjá ykkur varðandi íþróttaiðkun? „Við erum með aðstöðu í íþróttahúsinu en hún er ekki alveg nógu góð, húsið er ekki nógu stórt og það er komið til ára sinna. Hver kennslustund er 40 mínútur en við þurfum alltaf að gera ráð fyrir klukkustund í stundatöflu svo þeim gefist nægur tími til og frá íþróttahúsinu. Þau þurfa tíma til að klæða sig og fyrsti bekkur getur stundum verið lengi á leiðinni. Staðsetningin á skólanum er mjög góð, það er stutt í sundlaugina og íþróttahúsið en ég öfunda alltaf þá sem hafa íþróttahúsið innangengt úr skólanum, þá þyrfti ég ekki að gera ráð fyrir tíma í ferðir í stundatöflunni. Stundataflan er þétt setin, við erum með 30 íþróttatíma í hverri viku og það er hver tími vel notaður af því við deilum húsinu líka með menntaskólanum, við erum með samkomulag um það.“

Hvað með einelti, hvernig takið þið á þeim málum ef þau koma upp í skólanum? „Ef það kemur upp tilkynning um einelti í skólanum þá er kallað saman eineltisteymi en í því sitja núna velferðarkennari, aðstoðarskólastjóri og skólastjóri og svo fara verkferlar af stað. Við köllum eftir upplýsingum, ræðum við aðstandendur beggja aðila og svo er farið í ferli og unnið með það og gerð áætlun.“ Hafa komið upp eineltismál í skólanum? „Það er alltaf eitt og eitt en oft eru þetta samskiptavandamál sem við flokkum kannski ekki sem einelti en það koma alltaf einhver upp á ári. Við tökum á þeim með eineltisteyminu og í samráði við foreldra, nemendur og kennara.“

Mötuneytið, hvað er lagt upp með þar? „Nemendum er boðið upp á mat í samræmi við lýðheilsumarkmið. Við reynum að vera heilsusamleg og heilbrigð, það er boðið upp á góðan og hollan mat og það hefur verið almenn ánægja með mötuneytið í gegnum tíðina. Við reynum að koma til móts við alla en sérþarfir aukast stöðugt. Ég veit ekki hver ástæðan er fyrir því en við sjáum breytingu ár frá ári. Nemendur geta verið með ofnæmi fyrir ýmsum mat, eins og til dæmis laktósa, fiski og glúteni og við erum eggja- og hnetulaus skóli vegna bráðaofnæmis.&nbsp; Ef nemendum líkar ekki aðalrétturinn sem er í boði á hverjum degi þá erum við með salatbar og einnig er alltaf eitthvað annað til taks.&nbsp; Þá er boðið upp á veganmat, bæði fyrir starfsfólk og nemendur.“&nbsp;

Hvað með félagsstarfið í skólanum, er það öflugt? „Það er starfandi nemendafélag í skólanum, það stendur fyrir ýmsum viðburðum en það er líka töluvert mikið sem fer fram í Félagsmiðstöðinni Óðali. Það er félagsmiðstöð skólans sem heyrir undir tómstundafulltrúa Borgarbyggðar og þau standa fyrir ýmsum viðburðum innan skólans. Óðal er opið fyrir miðstig og unglingastig en því miður hefur gengið mjög illa að fá starfsfólk í Óðal í haust sem er alls ekki gott.“

Samstarf við foreldra, hvernig gengur það? „Það gengur alla jafna mjög vel en við vildum gjarnan sjá meira af þeim hér inni í skólanum. Þegar við erum með viðburði og opin hús þá er alltaf mjög vel mætt. Það hefur verið vel mætt á haustfundina núna og við finnum að foreldrar eru tilbúnir til að taka þátt í samstarfi við okkur í skólanum. Einn þáttur Leiðsagnarnámsins er að efla foreldrasamstarf, það er alltaf markmiðið okkar og við erum með starfandi foreldrafélag sem er vel virkt.“

<figure class="wp-block-image size-large"><img src="https://umsjon.skessuhorn.is/wp-content/uploads/2023/09/THad-er-hlytt-andrumsloft-her-inni4-1200x900.jpg" alt="" class="wp-image-69188" /><figcaption>Séð inn í matsalinn.</figcaption></figure>

Jólaútvarpið alltaf jafn skemmtilegt Kristín segir að það helsta sem er fram undan í skólastarfinu á næstu mánuðum séu svonefndir miðstigsleikar þar sem samstarfsskólar á Vesturlandi koma saman og eru með íþróttaleika hér í Borgarnesi á miðstiginu. Einn af föstum liðum er að 8. bekkur fer í skátahúsið í Skorradal og er þar eina nótt til að hrista hópinn saman þegar nemendur eru að byrja á unglingastiginu. „Ýmsir viðburðir eru einnig á döfinni. Í byrjun nóvember, yfirleitt eftir vetrarfrí, byrjum við að huga að jólaútvarpinu en það er mjög stór viðburður hjá okkur í skólanum sem allir nemendur skólans taka þátt í með einum og öðrum hætti. 1-7. bekkur gerir bekkjarþætti þar sem allir eiga eitthvað innlegg þar inni. Svo eru unglingarnir með einkaþætti tengt náminu, samþætt verkefni við íslensku þar sem þau búa til þætti og flytja í útvarpið. Þetta tekur alveg um það bil mánuð hjá okkur, þetta verkefni er alltaf jafn skemmtilegt.“

Velferðarkennsla er sérstaða Er þessi skóli ólíkur öðrum grunnskólum og að hvaða leyti ? „Ég held að það sem sker okkur aðeins úr frá öðrum skólum er þessi velferðarkennsla hjá okkur. Það eru ekki margir þar og alla vega ekki á því stigi sem við erum komin á. Ég veit að það hafa fleiri skólar verið að prófa þetta en við erum að reyna að útvíkka það þannig að það nái einnig til starfsfólksins. Starfsfólkið fær slökunartíma í Búbblunni tvisvar í viku ásamt því að boðið er upp á starfsmannaspjall sem eitt úrræði til að létta á því sem mögulega hvílir á starfsfólki. Ég held að við séum framarlega í sambandi við þetta og ætlum ekki að slaka neitt á í þeim efnum, frekar að efla okkur á þessu sviði og gera enn betur. Liður í því er til dæmis að velferðar- og myndmenntakennari skólans fara nú í vetur á námskeið til að læra nýtar aðferðir artþerapíu í skólastarfi.“

<figure class="wp-block-image size-large"><img src="https://umsjon.skessuhorn.is/wp-content/uploads/2023/09/THad-er-hlytt-andrumsloft-her-inni5-1200x900.jpg" alt="" class="wp-image-69190" /><figcaption>Það er alltaf nóg að gera í eldhúsinu.</figcaption></figure>

Bindur miklar vonir við Leiðsagnarnámið Hvernig sérðu skólann fyrir þér á næstu árum? „Ég bind miklar vonir við Leiðsagnarnámið, það sem mér finnst að við þurfum að efla eru krakkarnir sjálfir og ábyrgðin þeirra og líðan þeirra í skólanum. Ég held að þegar þau ná betri tökum á því öllu saman, að halda utan um námið sitt, viti hvað þau eiga að gera og hvert þau eiga að stefna, þá held ég að þeim líði betur. Ég bind vonir við að mennta kennarana og starfsfólkið í þessu þriggja ára ferli sem þetta nám er. Það er mikilvægt að sérhæfa fólk og fjölga stjórnendum. Svo finnst mér mjög gott samstarf við fræðslusvið Borgarbyggðar og það er að eflast mjög mikið.“

Eitthvað að lokum? Skólastarf fer mjög vel af stað og við erum mjög brött, það er hlýtt andrúmsloft hér inni og gott að koma inn í skólann. Fólkið er hlýlegt, við gerðum með okkur starfsmannasáttmála um daginn sem hangir upp á vegg með áherslu á jákvæðni, gleði, virðingu og samvinnu og við reynum að vinna í þeim anda. Beinum athyglinni að því og þá er ég viss um að allt gengur betur.“

<figure class="wp-block-image size-large"><img src="https://umsjon.skessuhorn.is/wp-content/uploads/2023/09/THad-er-hlytt-andrumsloft-her-inni6-1200x900.jpg" alt="" class="wp-image-69191" /><figcaption>Hluti af útileiksvæði skólans.</figcaption></figure>

Fréttaveita Vesturlands

„Það er hlýtt andrúmsloft hér inni“