medium

thumbnail

small

custom-size

Eyja Rún hlaut viðurkenningu

large

1536x1536

Blóð í Brekkó

2048x2048

Niðurrif í Brákarey hefst í dag

Kiwanis gefur fyrstu bekkingum reiðhjólahjálma

Séra Karen ráðin sóknarprestur í Setbergsprestakalli

Sérstakir styrkir veittir til kaupa á nytjahjólum

core/paragraph

Ef allt fer vel gætu karla- og kvennalið ÍA bæði farið upp um deild um helgina. Skagakonur eiga leik í kvöld í 2. deild gegn Álftanesi syðra klukkan 18 og með sigri tryggja þær sig upp í Lengjudeildina á næsta tímabili. Eins og staðan er núna er ÍA í öðru sæti deildarinnar á eftir ÍR með 38 stig, einu stigi meira en Haukar sem eru með 37 stig. Eina liðið í viðbót sem á möguleika á að fara upp er lið Einherja sem á tvo leiki eftir í deildinni en lið ÍA og Hauka eiga aðeins leikina í kvöld eftir. Einherji þarf þó að treysta á að bæði ÍA og Haukar tapi í kvöld á meðan Einherji þarf að vinna báða sína leiki á móti Völsungi á útivelli og Álftanesi heima. Skagakonur eru því í kjörstöðu og geta endurheimt sæti sitt í Lengjudeildinni með sigri í kvöld en þær féllu niður í 2. deild fyrir tveimur árum síðan.

Skagamenn geta komið sér aftur á meðal þeirra bestu með því að vinna eða gera jafntefli á morgun við Gróttu á Norðurálsvelli en leikurinn hefst klukkan 14. ÍA er í efsta sætinu með 46 stig, þremur stigum meira en lið Aftureldingar sem er í öðru sæti. Mosfellingar eru með átta mörk í plús í markamun og gætu stolið efsta sætinu með sigri á Þrótti á útivelli ef Skagamenn myndu tapa fyrir Gróttu. Nýtt fyrirkomulag er á Lengjudeildinni í ár því í stað þess að tvö lið fari beint upp fara liðin sem enda í 2. til 5. sæti í deildinni í umpil um hitt sætið.

Skagamenn og konur hafa nánast öll spil á hendi fyrir leikina um helgina og þurfa aðeins að treysta á sjálfa sig til að ná sínum markmiðum. Það er því upplagt tækifæri að skella sér á völlinn um helgina og styðja Skagaliðin til sigurs og í leiðinni upp um deild. Áfram ÍA!

Mikilvægir leikir hjá liðum ÍA um helgina