Heimildarmyndin Heimaleikurinn verður frumsýnd í Bíó Paradís í Reykjavík laugardaginn 16. september næstkomandi, en myndin á rætur sínar að rekja til Hellissands. Heimaleikurinn er gamansöm íþróttaheimildarmynd um tilraun manns til að uppfylla draum föður síns. Draumurinn er að safna í lið heimamanna til að spila langþráðan vígsluleik á fótboltavelli sem faðirinn lét gera á Hellissandi 25 árum áður. Leikstjórar myndarinnar eru þeir Smári Gunnarsson og Logi Sigurvinsson. Framleiðendur eru Stephanie Torpe, Elfar Aðalsteins, Heather Millard og Freyja Kristinsdóttir.