medium

large

thumbnail

1536x1536

2048x2048

small

custom-size

Flýtti sér í heiminn við Dalsmynni

Fyrsti skóladagur í nýbyggingu Grundaskóla

Opnuðu Urði ullarvinnslu fyrir gestum

Komu við á Höfða í árlegri sumarreið

Skólastarf undir berum himni

Héldu aðalfund á Höfða og gáfu sjúkrarúm

core/paragraph

Fyrir skömmu var tilkynnt um úthlutun úr Orkusjóði sem er sjóður innan Orkustofnunar sem auglýsir reglulega styrki til orkuskipta í verkefni sem miða að því að að hætta jarðefnaeldsneytisnotkun og nota í staðinn endurnýjanlega og vistvæna orku. Styrkþegar Orkusjóðs eru fjölbreyttur hópur, frá einstaklingum til sveitarfélaga og stærri fyrirtækja. Allt sem stuðlar að orkuskiptum, stórt sem smátt, getur átt erindi til Orkusjóðs. Hlutverk Orkusjóðs er að stuðla að hagkvæmri nýtingu orkuauðlinda landsins með styrkjum eða lánum, einkum til aðgerða er miða að því að draga úr notkun jarðefnaeldsneytis og auka nýtingu á innlendum endurnýjanlegum orkugjöfum. Orkusjóður styður jafnframt við verkefni sem stuðla að orkuöryggi og samkeppnishæfni á sviði orkumála á grundvelli orkustefnu, nýsköpunarstefnu, byggðastefnu og stefnu stjórnvalda í loftlagsmálum. Ríkið ber ábyrgð á skuldbindingum sjóðsins og heyrir hann stjórnfarslega undir ráðherra. Orkustofnun annast daglega umsýslu Orkusjóðs undir yfirstjórn stjórnar sjóðsins.

Fimmtudaginn 7. september var úthlutunin tilkynnt fyrir árið 2023 og var styrkveiting sjóðsins alls 914 milljónir fyrir 58 verkefni. Í flokknum „Innviðir fyrir orkuskipti“ fengu 25 verkefni styrk og þar af voru tveir umsækjendur tengdir verkefnum á Vesturlandi. Orka Náttúrunnar fékk styrk upp á rúmlega 42 milljónir vegna uppbyggingar á hraðhleðslustöðvum í Borgarnesi og Orkan IS fékk styrk upp á tæpa 16 og hálfa milljón vegna uppbyggingar 400 kW færanlegrar hraðhleðslustöðvar fyrir trukka og fólksbíla í Grundarfirði.

Í flokknum „Tækjabúnaður sem nýtir endurnýjanlega orku í stað olíu“ fengu 29 verkefni styrk og þar voru fjórir umsækjendur af Vesturlandi. Hæsta styrkinn fékk Akraborg ehf. á Akranesi fyrir orkuskipti vegna rafvæðingar á gufukatli upp á rúmar 28 milljónir, Klumba ehf. í Ólafsvík fékk 25 milljónir í styrk vegna varmaendurnýtingar í fiskþurrkun á köldu svæði og Grundarfjarðarbær fékk 16,4 milljónir vegna orkuskipta í sundlaug, grunnskóla og íþróttahúsi Grundarfjarðar. Að lokum fengu Glitstaðir ehf. í Norðurárdal í Borgarfirði hálfa milljón í styrk fyrir rafmagnshaughræru fyrir kúabú.

Fyrirtæki og stofnanir af Vesturlandi fengu styrk úr Orkusjóði