medium

large

thumbnail

1536x1536

2048x2048

small

custom-size

Flýtti sér í heiminn við Dalsmynni

Fyrsti skóladagur í nýbyggingu Grundaskóla

Opnuðu Urði ullarvinnslu fyrir gestum

Komu við á Höfða í árlegri sumarreið

Skólastarf undir berum himni

Héldu aðalfund á Höfða og gáfu sjúkrarúm

core/paragraph

Eftir hádegi á mánudaginn var tekin skóflustunga að nýju fjölbýlishúsi sem staðsett verður á Garðabraut 1 þar sem húsnæði KFUM &amp; K stóð til margra ára. Með skóflur að vopni voru mættir eigendur Byggingarfélagsins Bestla sem sér um framkvæmd byggingarinnar, bæjarstjóri Akraneskaupstaðar, formaður bæjarráðs og formaður skipulags- og umhverfisráðs.

Blaðamaður Skessuhorns kom við á skrifstofu Baldurs Ólafs Kjartanssonar staðarstjóra hjá Byggingafélaginu Bestla á Akranesi fyrir helgi og segir hann að búið sé að moka fyrir byggingarkrananum hjá þeim á lóðinni. Þá hófust framkvæmdir strax eftir skóflustunguna þar sem byrjað var að moka fyrir grunninum. Að sögn Baldurs eru áætluð verklok haustið 2025 sem þýðir að byggingartíminn verður um tvö ár. Byggingartíminn á Þjóðbraut 3 og 5 var einnig tvö ár en munurinn á þeim húsum og húsinu á Garðabraut er að það verður úr forsteyptum einingum frá Smellinn eins og FEBAN húsið við Dalbraut 4.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/09/Skoflustunga-tekin-a-Gardabraut2-1200x900.jpg" alt="" class="wp-image-69104"/><figcaption>Baldur staðarstjóri Bestla á Akranesi. Ljósm. vaks </figcaption></figure>

Varðandi Þjóðbraut 5 segir Baldur að það verk sé langt komið og stefnt að það verði tilbúið um næstu mánaðamót. „Við vonum að þá verði komin úttekt á húsið, við erum komnir með allar innréttingar inni nánast að öllu leyti og erum í lokafrágangi. Síðan er það frágangur á lóðinni og restin af klæðningunni sem er eftir.“ Eru allar íbúðir seldar? „Nei, hægst hefur mikið á fasteignamarkaðinum enda vextir orðnir mjög háir og greiðslumat erfitt fyrir marga að komast í gegnum. Þó eru sex íbúðir seldar sem verður bara að teljast nokkuð gott miðað við ástand. Í Þjóðbraut 3 og 5 eru tveggja til fjögurra herbergja íbúðir sem falla undir hlutdeildarlán og því kjörið tækifæri fyrir ungt fólk að stíga sín fyrstu skref að komast í vandaða eign eða einstaklinga sem vilja komast af leigumarkaðinum. Enda er lægri greiðslubyrði af hlutdeildarlánsíbúðum en að leigja í dag,“ segir Baldur að lokum.

Það er ýmislegt í gangi þessa dagana hjá Bestla því fyrirtækið er að byggja nýjar höfuðstöðvar í Tónahvarfi í Kópavogi sem verður þrjú þúsund og fjögur hundruð fermetra iðnaðarhús.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/09/Skoflustunga-tekin-a-Gardabraut3-1200x900.jpg" alt="" class="wp-image-69103"/><figcaption>Þjóðbraut 3 og 5. Ljósm. vaks</figcaption></figure>

Fréttaveita Vesturlands

Skóflustunga tekin á Garðabraut 1