Árbær og Kári áttust við í 3. deild karla í knattspyrnu á laugardaginn og var leikurinn á Fylkisvelli í Árbæ. Jafnræði var með liðunum í fyrri hálfleik en heimamenn í Árbæ komust yfir í leiknum á 23. mínútu með marki frá Jordan Tyler. Sex mínútum fyrir hálfleik jafnaði Hektor Bergmann Garðarsson metin fyrir Kára eftir sendingu frá Axel Frey Ívarssyni og staðan 1-1 í hálfleik.