medium

large

thumbnail

1536x1536

2048x2048

small

custom-size

Að líkindum verður ekki stefnt að hvalveiðum í sumar

Virkilega skemmtilegt verkefni

Með stöðuleyfi fyrir matarvagni á Akranesi

Jörfi ehf færði starfsfólki Fjöliðjunnar páskaglaðning

Árshátíð Grunnskóla Grundarfjarðar var glæsileg

Guðni ráðinn nýr verkstjóri í áhaldahúsi

core/paragraph

Njarðvík og ÍA léku á laugardaginn í 21. og næstsíðustu umferð Lengjudeildar karla í knattspyrnu og var leikurinn á Rafholtsvellinum í Njarðvík. Skagamenn náðu undirtökunum snemma leiks þegar varnarmaðurinn Johannes Vall átti góðan sprett upp allan völlinn á sjöundu mínútu. Hann sendi boltann á fjær og beint á kollinn á Árna Salvar Heimisson sem hamraði hann í netið. Aðeins sex mínútum síðar fengu Skagamenn aukaspyrnu hægra megin sem fyrirliðinn Arnór Smárason tók og sendi fastan bolta fyrir markið. Steinar Þorsteinsson náði að nikka honum áfram og eftir smá klafs í teignum náði Hlynur Sævar Jónsson að pota knettinum í markið. Hans áttunda mark í sumar sem gerir hann vafalaust að markahæsta varnarmanni Íslandsmótsins til þessa. Njarðvíkingar voru þó ekki alveg af baki dottnir því fimm mínútum fyrir hálfleik var Rafael Victor mættur á fjærstöngina og komst fram fyrir varnarmann ÍA og náði að leggja boltann í netið. Staðan 1-2 fyrir ÍA í hálfleik og von á spennandi leik fyrir áhorfendur í seinni hálfleik.

Jón Þór Hauksson þjálfari ÍA skipti Breka Þór Hermannssyni inn á í hálfleik og sú skipting borgaði sig ansi fljótt. Skagamenn tóku miðju, Arnór Smárason sendi háan bolta í átt að vítateignum þar sem Breki Þór skallaði boltann á fullri ferð inn í teiginn og þrumaði honum í markið. Glæsilega gert hjá þessum unga og efnilega sóknarmanni og kom Skagamönnum í góða stöðu. Steinar Þorsteinsson gerði síðan út um leikinn níu mínútum fyrir leikslok þegar hann fékk sendingu frá Johannes Vall fyrir markið og setti boltann laglega í fjærhornið. Aðeins tveimur mínútum síðar var Oliver Keelart á ferðinni fyrir Njarðvík en það breytti engu, lokatölur 2-4 ÍA í vil. Skagamenn hirtu öll þrjú stigin og komu sér í góða stöðu fyrir lokaumferðina sem verður næsta laugardag.

Staðan í deildinn er þannig að ÍA er í efsta sætinu með 46 stig, Afturelding er í öðru með 43 stig og Fjölnir í því þriðja með 39 stig. Vestri er síðan í fjórða sæti með 36 stig og Leiknir R. með 32 stig í fimmta sæti. Fjögur lið geta enn fallið með Ægi en það eru Þór Akureyri sem er í áttunda sæti með 24 stig og síðan koma Þróttur R., Njarðvík og Selfoss með 23 stig en með misgóða markatölu.

Síðasti leikur Skagamanna í sumar er á móti Gróttu næsta laugardag og með sigri eða jafntefli komast þeir á ný í deild þeirra bestu á meðan Grótta hefur að litlu að keppa. Leikurinn mikilvægi fer fram á Norðurálsvelli og hefst klukkan 14.

Fréttaveita Vesturlands

Skagamenn stigu stórt skref í áttina að Bestu deildinni eftir sigur á Njarðvík