medium

large

thumbnail

1536x1536

2048x2048

small

custom-size

ÍATV getur ekki lengur streymt leikjum kvennaliðs ÍA

Hildur SH fékk veiðarfærin í skrúfuna

Samtökin Sól til framtíðar formlega stofnuð

Héldu samráðsfund Öruggara Vesturlands í Borgarnesi

Ráðgjafi VÍS nú til staðar í útibúi Íslandsbanka á Akranesi

Jörð skalf undir Grjótárvatni snemma í morgun

core/heading

<h2>Andrea Ýr Jónsdóttir hjúkrunarfræðingur er virk í forystu Vesturlandsdeildar FKA</h2>

core/paragraph

Vesturlandsdeild Félags kvenna í atvinnulífinu (FKA) heldur aðalfund sinn næstkomandi fimmtudagskvöld á Landnámssetrinu í Borgarnesi. Deildin er fimm ára frá því í vor en FKA á landsvísu er mun eldra, eða 25 ára félagsskapur sem í dag telur um 1.400 félagskonur. Af þessu tilefni ræddi blaðamaður stuttlega við Andreu Ýr Jónsdóttur sem tilheyrir Vesturlandsdeild FKA sem jaframt er ritari í aðalstjórn FKA. Andrea Ýr er hjúkrunarfræðingur að mennt og framkvæmdastjóri í fyrirtækinu Heilsulausnir ehf. sem hún á og rekur í félagi við Stefaníu Ösp Guðmundsdóttur hjúkrunarfræðing. Saman ferðast þær um landið og halda fyrirlestra og námskeið um hvaðeina sem tengist bættri heilsu og líðan. Þá er Andrea Ýr jafnframt jafnframt eiginkona og tveggja barna móðir, formaður deildar hjúkrunarfræðinga á Akranesi og nágrennis og formaður í góðgerðafélaginu TeamTinna. Hún kemur því víða við enda orkumikil.

Fræðsla um heilsuna

„Fyrirtækið okkar, Heilsulausnir, hefur það að markmiði að stuðla að bættri heilsu. Við viljum hafa áhrif og stuðla að auknum forvörnum og draga úr tíðni lífstílssjúkdóma. Með því að halda fyrirlestra og námskeið erum við að hjálpa ungmennum að auka þekkingu sína hvað varðar myndun jákvæðrar sjálfsmyndar og hvernig hægt er að draga úr áhættuhegðun. Þá aðstoðum við vinnustaði við heilsueflingu með því að bjóða upp á heilsufarsmælingar, ráðgjöf, ýmsa fræðslu, bólusetningar og fleira ásamt því að reka netverslunina Scrubs.is sem selur vinnufatnað og fleira,“ segir Andrea Ýr.

Heilsulausnir eru með bækistöð sína við Stórhöfða 17 í Reykjavík en Andrea Ýr segir að vinnustöð sín sé engu að síður færanleg. Starfinu fylgi mikil ferðalög um allt land og því sé skrifstofa hennar þar sem hún er stödd hverju sinni. „Okkar starf er að vinna að forvörnum í víðum skilningi. Við höldum fyrirlestra og veitum ráðgjöf í ýmsu sem tengist heilsu og bættri vellíðan. Þannig sinnum við heilsufarsmælingum, mótum heilsustefnu, sinnum fræðslustarfi í skólum og á vinnustöðum og almennt erum við með mjög fjölbreytt fræðsluefni sem við lögum að hverjum og einum vinnustað eða skóla. Vímuefnafræðslan VELDU er vinsælasta fræðsluefni okkar í grunnskólum en höfum við farið með hana í skóla um allt land. Þar förum við yfir áhrif vímuefna á líkama, hug og líf einstaklinga ásamt því að fjalla um uppbyggingu sjálfsmyndar. Við notum ávalt nýlegar og gagnreyndar heimildir í öllu okkar fræðsluefni og erum stöðugt að breyta og bæta eftir nýjustu þekkingu eða venjum samfélagsins hverju sinni. Við reynum að vera ekki með boð og bönn heldur ræða við þau á jafningjagrundvelli þar sem við nýtum áhugahvetjandi samtalstækni til að fá þau til átta sig á að notkun vímuefna er eitthvað sem þau velja að gera eða ekki, þau þurfa að velja fyrir sig sjálf og taka ábyrgð á eigin ákvörðunum.

Þeirra val - Þeirra ákvörðun - Þeirra líf

Andrea Ýr segir að hún hafi snemma sem hjúkrunarfræðingur byrjað í þessu fræðsluhlutverki. „Árið 2011 var ég í stjórn Forvarnafélags hjúkrunarfræðinema, en félagið heitir Skjöldur. Þar kviknaði þessi áhugi hjá mér fyrir að fræða og gefa af mér. Þetta hefur svo smám saman undið utan á sig hjá mér og nú starfa ég alfarið við Heilsulausnir ásamt Stefaníu Ösp. Við erum báðar hjúkrunarfræðingar og deilum þessum áhuga að fræða og miðla. Nú flökkum við því um allt land og höldum fyrirlestra, bjóðum upp á heilsufarsmælingar og slíkt.“ Aðspurð segir hún að fræðslan sem Heilsulausnir veitir geti verið á mjög breiðu sviði. „Við hönnum kennsluefnið eftir ósk hvers og eins vinnustaðar eða skóla. Til dæmis höfum við verið mikið að ræða við ungt fólk um neteinelti og samfélagsmiðla. Þar getur átt sér stað einelti rétt eins og í öðrum samskiptum. Við erum einnig að miðla þekkingu til foreldra. Verkefni okkar og starf er því mjög fjölbreytt,“ segir Andrea Ýr sem hvetur fólk til að kynna sér verkefni þeirra á vefsíðunni heilsulausnir.is.

Small inn í samfélagið

Andrea Ýr er uppalin í Garðabæ en hefur verið búsett á Akranesi frá 2016 ásamt fjölskyldu sinni. Eftir útskrift úr hjúkrunarfræðinámi 2012 starfaði hún fyrst í um fimm ár sem á bráðadeild Landspítalans í Fossvogi, en á Heilbrigðisstofnun Vesturlands á Akranesi hefur hún starfað með hléum frá 2017. Var síðast hjúkrunarfræðingur á heilsugæslustöð HVE. Hún hefur því um 15 ára reynslu úr heilbrigðisgeiranum.

„Ég og maðurinn minn Rúnar Björn Reynisson fluttum á Akranes árið 2016 með eldra barnið okkar. Hann fékk starf sem vélahönnuður hjá Skaganum 3X sem nú er Baader. Dætur okkar tvær áttu einmitt báðar afmæli í síðustu viku, urðu níu og sex ára og eru nemendur í Brekkubæjarskóla. Þótt við hefðum nánast engan þekkt á Akranesi áður en við fluttum fannst okkur við strax smella inn í samfélagið. Mig langar því að kalla mig Skagakonu. Það var svo Tinna Ósk Grímarsdóttir vinkona mín og jafnaldri, sem því miður féll frá í byrjun þessa árs eftir erfið veikindi, sem dró mig með sér á viðburð hjá FKA. Eftir það varð ekki aftur snúið, ég heillaðist af þessum félagsskap sem konur í atvinnulífinu standa fyrir,“ segir hún. Andrea Ýr studdi ásamt fjölmörgum öðrum við bakið á Tinnu Ósk og fjölskyldu í veikindum hennar og er nú formaður í góðgerðafélaginu TeamTinna, sem stofnað var til að halda minningu Tinnu Óskar á lofti.

Deila gleði og kynnast

En nánar að Félagi kvenna í atvinnulífinu. Andrea Ýr er eins og fyrr segir ritari í aðalstjórn félagsins og virk í Vesturlandsdeild félagsins. Í þessari viku verður aðalfundur félagsins haldinn í Landsnámssetrinu í Borgarnesi og hvetur hún allar áhugasamar konur til að mæta, gerast félagar og njóta þess sem félagið hefur upp á að bjóða. Fundurinn hefst klukkan 20 fimmtudaginn 14. september og verður einnig streymt. „FKA byggist aðallega upp á því að efla tengsl kvenna alls staðar að úr atvinnulífinu. Þarna kynnumst við öðrum öflugum konum og er markmið FKA að efla tengslanet, auka sýnileika kvenna og styðja við konur. Svo eftir að konurnar kynnast innbyrðis eru þær líklegri til að stunda viðskipti hver við aðra. Þessi félagsskapur er alveg ótrúlega jákvæður og gefandi og er í raun einstakt samfélag. Við reynum líka alltaf að hafa gaman. Það eru skipulagðir allskonar viðburðir og ferðir,“ segir Andrea Ýr og nefnir að nýlega heimsótti félagið nýjar höfuðstöðvar Landsbankans í Reykjavík þar sem Lilja Björk Einarsdóttir bankastjóri tók á móti hópnum. Andrea Ýr áréttar að félagið er ekki einvörðungu fyrir konur í atvinnurekstri, heldur allar konur í atvinnulífinu. Nú eru tæplega fimmtíu konur í Vesturlandsdeild FKA og segir Andrea Ýr að stefnan sé að fjölga í hópnum. „Það er bara að mæta á fundinn hjá okkur á fimmtudaginn og skrá sig. Svo er ánægjulegt að algengt er að fyrirtækin sem konurnar starfa hjá greiði niður félagsgjaldið í FKA. Það eru allar konur velkomnar til liðs við okkur,“ segir hún að endingu.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/09/Andrea-Yr-Jonsdottir_3-1200x800.jpg" alt="" class="wp-image-68997"/><figcaption>FKA byggist aðallega á því að efla tengsl kvenna í atvinnurekstri. Ljósm. FKA</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/09/Andrea-Yr-Jonsdottir_2-1200x800.jpg" alt="" class="wp-image-68998"/><figcaption>Konur úr Vesturlandsdeild FKA mættu nýverið í heimsókn í nýjar höfuðstöðvar Landsbankans. F.v. Rúna, Andrea Ýr, Ingibjörg, Dagný, Alexandra, Anna og Inga Ósk. Ljósm. FKA</figcaption></figure>

Fréttaveita Vesturlands

„Markmið FKA er að deila gleði og að kynnast öðrum konum“