Undanfarna daga hafa heiðar og afréttir verið smalaðir víða um vestanvert landið. Í dag og næstu daga verða réttir á a.m.k. tólf stöðum í Borgarfirði, á Mýrum og í Dölum. Veður var víða slæmt fyrir leitamenn í gær; suðvestan rok og rigning á heiðum. Um tíma í gærkvöldi var óttast um týndan smala í Skarðsheiði, en hann kom fram skömmu eftir að björgunarsveitir höfðu fengið beiðni um að hefja leit. Í morgun bárust svo myndir af þokuslæðingi til fjalla sem er síst betra fyrir gangnamenn.

Eftirfarandi réttir eru næstu þrjá daga:

Brekkurétt í Norðurárdal, Mýr. Sunnudaginn 10. sept. kl. 10.00, seinni réttir sun. 24. sept. kl. 10.00
Fellsendarétt í Miðdölum, Dölum. Sunnudaginn 10. sept. kl. 14.00, aðrar réttir sun. 26. sept. kl. 14.00, þriðju réttir sun. 24. sept. kl. 14.00
Fljótstungurétt á Hvítársíðu, Mýras. Laugardaginn 9. sept. og sun. 10. sept.
Grímsstaðarétt á Mýrum. Þriðjudaginn 12. sept. kl. 10.00, seinni réttir mán. 25. sept. kl. 14.00, þriðju réttir mán. 2. okt. kl. 14.00
Hítardalsrétt í Hítardal. Mánud. 11. sept. kl. 10, önnur rétt sunnud. 24. sept. kl. 16 og þriðja rétt mánud. 2. okt. kl. 11
Hornsrétt í Skorradal, Borgarf. Sunnudaginn 10. september kl. 10.00, seinni laugardaginn 23.
september
Hólmarétt í Hörðudal, Dölum. Sunnudagur 10. september kl. 10.00, seinni sunnudaginn 24. september kl. 10.00
Kirkjufellsrétt í Haukadal, Dölum. Laugardaginn 9. sept, seinni réttir laugardaginn 23. sept.
Ljárskógarétt í Laxárdal, Dölum. Laugardaginn 9. sept.
Núparétt í Melasveit, Hvalfjarðarsveit. Sunnudaginn 10. september kl. 13.00, seinni laugardaginn 23. september
Svignaskarðsrétt, Mýrasýslu. Mánudaginn 11. september kl. 10.00, seinni 25. september kl. 10.00
Þverárrétt í Þverárhlíð, Mýrasýslu. Mánudaginn 11. september kl. 07.00. (byrjað að draga í sundur á sunnudag ef safnið kemur snemma niður). Seinni sunnudaginn 17. september kl. 17.00.

Stórir réttadagar framundan