medium

thumbnail

small

custom-size

Óður til Írlands sunginn í kvöld

large

1536x1536

2048x2048

Meint varasjóðsframlag hefur ekki skilað sér til Vegagerðarinnar

Fjöldi Íslendinga á byrjunarleik Íslands móti Finnlandi

Fjórðungsmót hestamanna hafið í Borgarnesi

Gera út á gluggaþvott og garðslátt

Eigendaskipti að Blikksmiðju Guðmundar á Akranesi

core/paragraph

Hólmarinn Halldór Árnason lést 27. ágúst síðastliðinn, sjötugur að aldri. Hann fæddist 18. mars 1953 í Stykkishólmi, sonur hjónanna Árna Helgasonar, póst- og símstjóra og Ingibjargar Gunnlaugsdóttur, kennara og póstafgreiðslumanns. Halldór varð stúdent frá Menntaskólanum á Laugarvatni 1973, lauk viðskiptafræði frá HÍ 1978 og meistaraprófi í hagfræði frá Uppsalaháskóla 1983. Halldór starfaði lengstum hjá hinu opinbera og sagðist í viðtali við Skessuhorn hafa lagt áherslu á að staldra ekki of lengi við í hverju starfi, gjarnan 5-7 ár. Hann tókst því á við fjölbreytt verkefni í gegnum tíðina. Hann starfaði m.a. í menntamálaráðuneytinu, hjá Þjóðhagsstofnun og Námsgagnastofnun. Hann var skriftofustjóri á fjárlagaskrifstofu fjármálaráðuneytisins í um áraug og skrifstofustjóri og staðgengill ráðuneytisstjóra í forsætisráðuneytinu. Var um tíma forstöðumaður stjórnsýslu- og fjármála hjá Hafnarfjarðarbæ. Að lokum starfaði Halldór hjá Samtökum atvinnulífsins til 2018. Síðustu árin starfaði Halldór ötullega að ýmsum málefnum fyrir sinn gamla heimabæ, m.a. sem formaður atvinnu- og nýsköpunarnefndar.

Fyrir tæpum þremur árum gaf Halldór ítarlegt viðtal við Skessuhorn. Þar sagði hann m.a. að styrkleikar Stykkishólms væru staðsetningin, náttúran í kring, Breiðafjörður og hæfileg fjarlægð frá höfuðborgarsvæðinu. „Ég var og er mikill landsbyggðarpési,“ sagði hann og bætti við: „Ég hef náttúrlega alltaf verið mikill landsbyggðarmaður þó ég hafi búið lengi á höfuðborgarsvæðinu. Það er oft dapurlegt hve togstreita milli svæða og milli manna getur verið mikil í þessum dreifðu byggðum,“ sagði hann og talaði ákveðið fyrir því að sveitarfélög á Snæfellsnesi myndu sameinast, taldi þau geta orðið öflugri þannig. „Þrátt fyrir tilraunir hefur ekki tekist að sameina Snæfellsnes í eitt sveitarfélag,“ sagði hann og útskýrði nánar: „Að einhverju leyti er þetta rígur á milli kauptúna. Það er svolítið dapurt ástand. Þegar mönnum bara líður vel í sínu skinni og eru ekki tilbúnir til þess að taka nýjum áskorunum, þá verða engar framfarir. Um leið og þú tekst á við nýjar áskoranir, þá finnur þú fljótt andlega upplyftingu. Þú verður ánægðari með lífið og sjálfan þig þegar þú fæst við eitthvað nýtt, eitthvað sem að þér finnst skipta máli,“ sagði hann.

Sem formaður atvinnu- og nýsköpunarnefndar í Stykkishólmsbæ beitti Halldór sér fyrir ýmsum framfaramálum. Meðal annars stofnun félags með það að markmiði að taka á leigu og endurleigja starfsaðstöðu fyrir einstaklinga, eins konar skrifstofu- og frumkvöðlasetur. Það komst á legg og er nú rekið af Regus.

Halldór lætur eftir sig eiginkonu, Önnu Björgu Eyjólfsdóttur, fjögur uppkomin börn og tvö barnabörn.

Fréttaveita Vesturlands

Andlát – Halldór Árnason í Stykkishólmi